________________ नेसप्प 1 पंडु 2 पिंगल 3 सव्वरयणवर 4 तहा महापउमे 5 / काले 6 य महाकाले 7 माणवगमहानिही 8 संखे 9 // 1131 // नेसप्पम्मि निवेसा गामाऽऽगर-नगर-पट्टणाणं तु / . दोणमुह-मडंबाणं खंधाराणं गिहाणं च 1 // 1132 / / गणियस्स य उप्पत्ती माणुम्माणस्स जं पमाणं च। धण्णस्स य बीयाण य उप्पत्ती पंडुए भणिया 2 // 1133 / / सव्वा आभरणविही महिलाणं जा य होइ पुरिसाणं / आसाण य हत्थीण य पिंगलगनिहिम्मि सा भणिया 3 // 1134 // रयणाणि सव्वरयणे चोद्दस वि वराइं चक्कवट्टिस्स। . उप्पज्जते इं(? ए)गिदियाणि पंचेंदियाइं च 4 // 1135 // वत्थाण य उप्पत्ती निप्पत्ती चेव सव्वभत्तीणं। . रंगाण य धोवा(या)ण य सव्वा एसा महापउमे 5 . // 1136 / / काले कालण्णाणं गब्भ (? भव्व) ध(? पुराणं च तीसु वासेसु / सिप्पसयं कम्माण(णि) य तिण्णि पयाए हियकराणि 6 // 1137 // . लोहाण य उप्पत्ती होइ महाकाले आगराणं च / रुप्पस्स सुवण्णस्स य मणि-मोत्ति-सिल-प्पवालस्स 7 // 1138 // सेणाण य उप्पत्ती आवरणाणं च पहरणाणं च / सव्वा य दंडनीती माणवगे रायनीती य८ // 1139 // नट्टविहि नाडगविही कव्वस्स चउव्विहस्स उप्पत्ती / संखे महानिहिम्मि होइ उ तुडियं च सव्वेसु (तुडियाण सव्वेसिं) 9 / चक्कट्ठपइट्ठाणा अट्ठस्सेहा य नव य विक्खंभो। . बारसदीहा मंजूससंठिया जन्हवीए मुहे // 1141 // वेरुलियमणिकवाडा कणगमया विविहरयणपडिपुण्णा / ससि-सूरचक्कलक्खणअणुसमवयणोववत्तीया // 1142 // ૧૫ર
