________________ एएसिं पल्लाणं कोडाकोडी हवेज्ज दसगुणिया / तं सागरोवमस्स उ एक्कस्स भवे परीमाणं // 132 // एएण खेत्तसागरउवमाणेणं हवेज्ज नायव्वं / पुढवि-दग-अगणि-मारुय-हरिय-तसाणं च परिमाणं : // 133 // गुण-नोगुणनिप्फन्नं गुणनिप्फन्नं तु वन्नमाईयं / नोगुणनिप्फन्नं पुण संखाणं नो य संखाणं // 134 // संखाणं पुण दुविहं सुयसंखाणं च गणणसंखाणं / अक्खरपयमाईयं कालियमुक्कालियं च सुयं // 135 // संखेज्जमसंखेज्जं अणंतयं चेव गणणसंखाणं / संखेज्जं पुण तिविहं जहण्णयं मज्झिमुक्कोसं तिविहमसंखेज्जं पुण परित्त-जुत्तं असंखयासंखं / एक्केकं पुण तिविहं जहण्णयं मज्झिमुक्कोसं // 137 // तिविहमणंतं पि तहा परित्त-जुत्तं अणंतयाणंतं / एक्केकं पि य तिविहं जहण्णयं मज्झिमुक्कोसं // 138 // जंबुद्दीवो सरिसवपुण्णो ससलाग-पडिसलागाहिं / जावइअं पडिपूरे तावइअं होइ संखेज्जं // 139 // नोसंखाणं नाणं दंसण चरणं नयप्पमाणं च / पंच चउ पंच पंच य जहाणुपुव्वीए नायव्वा // 140 // पच्चखं च परोक्खं नाणपमाणं समासओ दुविहं / पच्चक्खमोहिमणकेवलं च परोक्ख मइसुत्ते // 141 // इंदियपच्चक्खं पि य अणुमाणं ओवमं च मइनाणं / . केवलभासियअत्थाण आगमो होइ सुयनाणं // 142 // चक्खुदंसणमाई दसण चरणं च सामइयमाई। नेगम-संगह-ववहारु-ज्जुसुए चेव सद्द नया . // 143 / / 12
