________________ गुरुणा तहत्तिभणिए जत्ता जवणा य पुच्छियव्वा य / परिसंठिएण इणमो सराण जोएण कायव्वा // 18 // तत्थ य परिमासेसा मंदमइविणीयगाहणट्ठाए / नीउच्चमज्झिमाओ सरजुत्तीए ठवेयव्वा " // 19 // नीओ तत्थणुदत्तो रयहरणे उच्चओ उदत्तो उ। सीसे निदंसणीओ तदंतरालम्मि सरिओ य // 20 // अणुदत्तो य जकारो त्तासरिओ होइ भे उदत्तसरो / पुणरवि जवणीसद्दा अणुदत्ताई सरेयव्वा . // 21 // ज्जं अणुदत्ता य पुणो चस्सरिओ मे उदत्तसरनामो। .. एवं रयहरणाइसु तिसु ठाणेसुं सरा नेया // 22 // पढम. आवत्ततिगं वनदुगेणं सुरइयमणुकमसो / बीयावत्ततिगं पुण तिहिं तिहिं वण्णेहिं निष्फन्नं // 23 // रयहरणम्मि जकारं ताकारं करजुएण मज्झम्मि / भेकारं सीसम्मि य काउं गुरुणो वयं सुणसु // 24 // तुझं पि वट्टइति य गुरुणा भणियम्मि सेस आवत्ता / दुन्नि वि काउं तुसिणी जा गुरुणा भणियमेवं तु // 25 // अह सीसो रयहरणे कयंजली भणइ सविणयं सिरसा / खामेमि खमासमणो देवसियाईवइक्कमणं / // 26 // अहमवि खामेमि तुमे गुरुणाऽणुनायखामणो सीसो / निक्खमइ उग्गहाओ आवसियाए भणेऊणं // 27 // ओणयदेहो अवराहखामणं सव्वमुच्चरेऊणं / . निदियगरहियवोसट्ठसव्वदोसो पडिकंतो . // 28 // खामित्ता विणएणं तियगुत्तो तेण पुणरवि तहेव / उग्गहजायण पविसण दुओणयं दोपवेसं च / // 29 // 200
