________________ जज्जाईओ अ हओ तज्जाईएस संभवो तस्स। .. तेसु सफला निवित्ती न जुत्तमेयं पि वभिचारा // 240 // वावाइज्जइ कोई हए वि मणुयम्मि अन्नमणुएणं / अहए वि य सीहाओ दीसइ वहणं पि वभिचारा // 241 // नियमो न संभवो इह हंतव्वा किं तु सत्तिमित्तंतु / सा जेण कज्जगम्मा तयभावे किं न सेसेसु / // 242 // नारगदेवाईसुं असंभवा. समयमाणसिद्धीओ। इत्तु च्चिय तस्सिद्धी असुहासयवज्जणमट्ठा // 243 // आवडियाकरणं पि हु न अप्पमायाओ नियमओ अन्नं / अन्नत्ते तब्भावे वि हंता विहला तई होइ // 244 // अह परपीडाकरणे ईसिं वहसत्तिविप्फुरणभावे। जो तीइ निरोहो खलु आवडियाकरणमेवं तु // 245 // विहिउत्तरमेवेयं अणेण सत्ती उ कज्जगम्मत्ति / विप्फुरणं पि हु तीए बुहाण नो बहुमयं लोए। // 246 // एवं च जा निवित्ती सा चेव वहोऽहवा वि वहहेऊ। विसओ वि सुच्चिय फुडं अणुबंधा होइ नायव्वा // 247 // हिंसाइपायगाओ अप्पडिविरयस्स अस्थि अणुबंधो। अत्तो अणिवत्तीओ कुलाइवेरं व नियमेण / // 248 // जेसि मिहो कुलवेरं अप्पडिविरईउ तेसिमन्नोन्नं / वहकिरियाभावम्मि वि न तं सयं चेव उवसमइ // 249 // तत्तो य तनिमित्तं इह बंधणमाइ जह तहा बंधो / सव्वेसु नाभिसंधी जह तेसुं तस्स तो नत्थि // 250 // अस्थि च्चिय अभिसंधी अविसेसपवित्तिओ जहाँ तेसु / . अपवित्ती य विणिवित्तीजो उ तेसि व दोसो उ . // 251 // 184
