________________ अह सगयं वहणं चिय हेऊ तस्स त्ति किं परवहेणं / अप्पा खलु हंतव्वो कम्मक्खयमिच्छमाणेणं . . // 144 // अह उभयक्खयहेऊ वहु त्ति नों तस्स तन्निमित्ताओ। अविरुद्धहेउजस्स य न निवित्ती इयरभावे वि // 145 // हिमजणियं सीयं चिय अवेइ अनलाओ नायवो वेइ / एवं अणब्भुवगमे अइप्पसंगो बला होइ ___ // 146 // तब्भावम्मि अजं किंचिवत्थुजत्तो कुओ वि न हविज्जा / एवं च सव्वभावो पावइ अन्नुनविक्खाए , // 147 // . अह तं अहेउगं चिय कहं नु अस्थि त्ति अवगमो कहय। नागासमाइयाणं कुओ वि सिद्धो इह विणासो // 148 // इत्तु च्चिय अफलत्ता नो कायव्वो वहु त्ति जीवाणं / वहहेउगं चिय तयं कहं निवित्ती तओ तस्स // 149 // तम्मा पाणवहोवज्जियस्स कम्मस्स खवणहेउत्ता। तव्विरई कायव्वा संवररूव त्ति नियमेणं // 150 // सुहिएसु वि वहविरई कह कीरइ नत्थि पाक्मह तेसु / पुनक्खओ वि हु फलं तब्भावे मुत्तिविरहाओ // 151 // अह तं सयं चिय तओ खवेइ इयरं पि किं न एमेव। कालेणं खवइ च्चिय उवक्कमो कीरइ वहेण // 152 // इयरस्स किं न कीरइ सुहीण भोगंगसाहणेणेवं / न गुण त्ति तम्मि खविए सुहभावो चेव तत्तु त्ति // 153 // निरुवमसुक्खो मुक्खो न य सइ पुन्ने तओ ति किं न गुणो। . पावोदयसंदिद्धो इयरम्मि उ निच्छओ केण // 154 // दुहिओ वि नरगगामी वहिओ सो अवहिओ बहू अन्ने। .. वहिऊण न गच्छिज्जा कयाइ ता कह न संदेहो / // 155 // 17
