________________ दुईतेंदियदमणं समणं कामाइवइरिवग्गस्स / पियपुव्वाभासित्तं सुयणत्तमकित्तिमं चेव // 21 // साहम्मियवच्छल्लं सत्तीइ तवो सुपत्तदाणं च / सीलविसुद्धी सद्धा सययं सद्धम्मकरणम्मि // 22 // नवनवसत्थब्भासो नवनवगुणअज्जणे असंतोसो / अप्पसमाहिय गुणगामधामजणमज्झसंवासो // 23 // सीलंगसंगसुहगं समणत्तणमप्पमत्तचित्तेणं / कइया णु मए कज्ज ? खणे खणे इय विचिंतेज्जा // 24 // मुणिचंदायरियाणं उवएसाणं इमाण कयपुन्ना / भविया हवंति भायणमकलंकगुणा परं केई // 25 // पू.आ.श्रीमुनिचन्द्रसूरिविरचितम् // उपदेशामृताकुलकम् // वरहेमसमसरीरो वीरो संपत्तमोहमलतीरो। साहियसिवनयरपहो सुरविहियमहामहो जयइ // 1 // लद्धे माणुसजम्मे रम्मे निम्मलकुलाइगुणकलिए / घडियव्वं मोक्खकए णरेण बहुबुद्धिणा धणियं // 2 // धम्मो अत्थो कामो जओ न परिणामसुंदरा एए / किंपागपाग-खललोयसंग-विसभोयणसमाणा जम्मि न संसारभयं जम्मि न मोक्खाभिलासलेसो वि / इह धम्मो सो नेव उ विणा कओ जो जिणाणाए // 4 // पावाणुबंधिणो च्चिय मायाइमहल सल्लदोसेणं / एत्तो भोगा भुयग व्व भीसणा वसणसयहेऊ जो पुण खमापहाणो परूविओ पुरिसपुंडरीएहिं / सो धम्मो मोक्खो च्चिय जमक्खओ तप्फलं मोक्खो // 6 //
