________________ सीलं सीलिज्ज तवं तविज्ज भाविज्ज भावणाओ य / दुक्करकरे सुयधरे धरिज्ज चित्ते सया साहू // 12 // कालाइंदोसओ कह वि जइ वि दीसंति तारिसा न जई / सव्वत्थ तह वि नत्थि त्ति नेव कुज्जा अणासासं // 13 // कुग्गहकलंकरहिया जहसत्ति जहागमं च जयमाणा / जेण विसुद्धचरित त्ति वुत्तमरहंतसमयम्मि // 14 // सम्मत्त-नाण-चरणाणुवाइमाणाणुगं च जं जत्थ / जाणिज्ज गुणं तं तत्थ पूयए परमभत्तीए // 15 // काऊण रागचागं मणे मुणिज्जा गुणागुणविभागं / भाविज्ज कडुविवागं च कामरागं सयाकालं // 16 // दक्खिन्नमपेसुन्नं भवनिग्गुण्णं च दुहियकारुन्न / मन्निज्जन्नं पि मणम्मि निम्मले निच्चमिच्चाइ . // 17 // हणिऊण कोहजोधं माणगिरि दलिय मलिय मायलयं / दहिउं लोहपरोहं मोहपिसायं विणासिज्जा // 18 // माणिज्ज मा(ण)णिज्जे हीलिज्ज न केइ लोय मणुयत्ते / वसणे धणि व्व पत्ते गंभीरधीरं मणं कुज्जा // 19 // पत्रविज्जं गुणिजणमुचियं चोइज्ज दिज्ज उवएसं। सयमवि सारणवारणचोयण-मन्नेसिमिच्छिज्जा // 20 // सच्चमघट्टियमम्मं सम्मं सइ धम्मकज़्जसंज्जं च / हियमियमहुरमगव्वं सव्वं भासेज्ज मइपुव्वं // 21 // * जं लोए अपडिकुटुं विसिट्ठसिटुं जिणागमुद्दिटुं / तं सव्वं चिय उचियं ससत्तिसरिसं करिज्ज जओ // 22 // 'चलइ बलं खलइ मणं जलइ कसायानलो वओ गलइ / निच्चं मच्चू परिकलइ दलइ जीयं टलइ कालो // 23 // 180
