________________ कइआ वि किंपि संपप्प कारणं जायए जह विरागो / खणमेगं सो जइ तुह सया वि ता किं न पज्जत्तं ? // 12 // विसविसमं पि हु पावं करेसि अमयं व हरिसिओऽणज्ज ! / अमयमहुरं पि धम्मं मन्नसि लिंबाउ कडुअयरं // 13 // विसएसु लोलुअं तुह चित्तं चित्तं कुलालचक्कं व / परिभममाणं दुग्गइ-दुहभंडे घडइ अक्खंडे // 14 // रज्जेण न संतुस्सइ न तप्पए अमरजणविलासेहिं / रे पाव ! तुज्झ चित्तं रंकस्स व लज्जपरीहीणं // 15 // किंचि जया जं पिच्छसि तं तं अप्पुव्वमेव मन्नेसि / भणसि अपुव्वं न कयाइ सुक्खमेवंविहं पत्तं // 16 // चिंतेसि न उण एअं अणंतसो सुरनरेसु सुक्खाई / पत्ताई ताई न सरसि मणे मणागं पि रे पाप ! // 17 // जइ पुण ताई थेवं पि सरसि ता नेव तुज्ज दुहभारो / कुरुचंदस्स व देहे गेहे भुवणि व्व माइज्जा रे मूढ ! तुह अकज्जे लीलाइं चहुट्टए जहा चित्तं / तह जह कज्जे वि तओ हविज्ज कहआ (नवि) दुक्खं ? // 19 // राईइ अंधयारे विदूरदेसट्ठिअस्स लीलाए / जह रागवसेण फुडं पिअस्स निविनसे रूवं // 20 // तह जह कयाइ कहमवि कहिं पि ईसि पि परमपुरिसाणं / मुहकमलं 'पिच्छसि लहसि नूणं ता सयलसुक्खाई // 21 // आमूलाओ सोअग्गिणा वि दड्ढस्स तुज्झ रे जीव ! / उम्मीलंति सया रागपल्लवा नव-नवा चेव // 22 // हद्धी कहं न लज्जसि पावं अयरामरु व्व जं कुणसि / पिच्छंतो जललवलोलमेवमेअं जयं सयलं // 23 // 125 // 18 //
