________________ पइदिवसं सत्तजणे, हाणिऊण(वहिऊण)गहियवीरजिणदिक्खो दुग्गाभिग्गहनिरओ, अज्जुणओ मालिओ सिद्धो // 12 // नंदीसररुअगेसु वि, सुरगिरिसिहरेवि एगफालाए / जंघाचारणमुणिणो, गच्छंति तवप्पभावेणं // 13 // सेणियपुरओ जेसिं, पसंसिअं सामिणा तवोरूवं / ते धन्ना धन्नमुणी, दुण्ह वि पंचुत्तरे पत्ता // 14 // सुणिऊण तव सुंदरी-कुमरीए अंबिलाण अणवरयं / सर्टि वाससहस्सा, भण कस्स न कंपए हिअयं // 15 // जं विहिअमंबिलतवं, बारसवरिसाइं सिवकुमारेण / तं दळु जंबुरूवं, विम्हइओ सेणिओ राया // 16 // जिणकप्पिअ परिहारिअ, पडिमापडिवनलंदयाईणं / सोऊण तवसरूवं, को अन्नो वहउ तवगव्वं // 17 // मासद्धमासखवओ, बलभद्दो रूववं पि हु विरत्तो / सो जयउ रनवासी, पडिबोहिअ सावयसहस्सो // 18 // थरहरिअधरं झलहलिअ-सायरं चलियसयलकुलसेलं / जमकासी जयं विण्हु, संघकए तं तवस्स फलं // 19 // किं बहुणा भणिएण, जं कस्स वि कह वि कत्थ वि सुहाई / दीसंति(तिहुअण)भवणमज्झे, तत्थ तवो कारणं चेव // 20 // ____ सिरिदेविंदसूरिविरइयं * // भावकुलकम् // कमठासुरेण रइयम्मि, भीसणे पलयतुल्लजलबोले / / भावेण केवललच्छिं, विवाहिओ जयउ पासजिणो निच्चुन्नो तंबोलो, पासेण विणा न होइ जह रंगो / तह दाणसीलतवभावणाओ, अहलाओ सव्व भावविणा // 2 // // 1 //
