________________ एअस्स वि पडिसेहो निअमेणं दव्वओ वि मोहुदए / जइणो विहारखावणफलमित्थ विहारगहणं तु / / 900 // आईओ च्चिअ पडिबंधवज्जणत्थं च हंदि सेहाणं / .. . विहिफासणत्थमहवा सेहविसेसाइविसयं तु . // 901 // सज्झायाईसंतो तित्थयरकुलाणुरूवधम्माणं। - कुज्जा कहं जईणं संवेगविवड्डणं विहिणा // .902 // जिणधम्मसुट्ठिआणं सुणिज्ज चरिआई पुव्वसाहूणं / साहिज्जइ अनेसिं जहारिहं भावसाराई . // 903 // भयवं दसन्नभद्दो सुदंसणो थूलभद्द वइरो अ। .. सफलीकयगिहचाया साहू एवंविहा होति // 904 // अणुमोएमो तेसिं भगवंताण चरिअं निरइआरं। संवेगबहुलयाए एव विसोहिज्ज अप्पाणं // 905 // इअ अप्पणो थिरत्तं तक्कुलवत्ती अहंति बहुमाणा / तद्धम्मसमायरणं एवं पि इमं कुसलमेव // 906 // अण्णेसि पि अ एवं थिरत्तमाईणि होतिं निअमेणं / इह सो संताणो खलु विकहामहणो मुणेअव्वो // 907 // विस्सोअसियारहिओ एव पयत्तेण चरणपरिणामं / ' रक्खिज्ज दुलहं खलु लद्धमलद्धं व पाविज्जा // 908 // णो उवठावणए च्चिअनिअमा चरणंति दव्वओ जेण। साऽभव्वाण वि भणिआ छउमत्थगुरूण सफला य // 909 // पायं च तेण विहिणा होइ इमं ति निअमो कओ सुत्ते / इहरा सामाइअमित्तओ वि सिद्धिं गयाऽणंता // 910 // पुव्विं असंतगं पि अ विहिणा गुरुगच्छमाइसेवाए। जायमणेगेसि इमं पच्छा गोविंदमाईणं // 911 //
