________________ तुल्लमिअमणसणाओ न य तं सुहझाणबाहगं पि इहं। कायव्वं ति जिणाणा किंतु ससत्तीऍ जइअव्वं // 852 / / ता जह न देहपीडा ण या वि चिअमंससोणिअत्तं तु / जह धम्मझाणवुड्डी तहा इमं होइ कायव्वं // 853 / / पडिवज्जइ अ इमं खलु आणाआराहणेण भव्वस्स / सुहभावहेउभावं कम्मख़यउवसमभा(भ)वेण // 854 // एअं अणुभवसिद्धं जइमाईणं विसुद्धभावाणं / भावेणऽण्णेसि पि अ रायाणिद्देसकारीणं // 855 // एएण जं पि केई नाणसणाई दुहं पि (ति) मोक्खंगं / कम्मविवागत्तणओ भणंति एअंपि पडिसिद्धं // 856 // जं इय इमं न दुक्खं कम्मविवागो वि सव्वहा णेवं। खाओवसमिअभावे एअंति जिणागमै भणिअं // 857 // खंताइ साहुधम्मे तवगहणं सो खओवसमिअम्मि। भावम्मि विनिद्दिट्ठो दुक्खं चोदइअगे सव्वं . // 858 // ण य कम्मविवागो वि हु सव्वो वि हु सव्वहा ण मोक्खंगं / सुहसंबंधी जम्हा इच्छिज्जइ एस समयम्मि // 859 // जे केइ महापुरिसा धम्माराहणसहा इहं लोए। कुसलाणुबंधिकम्मोदयाइओ ते विनिद्दिट्ठा // 860 // न कयाइ खुद्दसत्ता किलिट्ठकम्मोदयाओ संभूआ। विसकंटगाइतुल्ला धम्मम्मि दढं पयट्टंति // 861 // कुसलासयहेऊओ विसिट्ठसुहहेउओ अणिअमेणं। . सुद्धं पुनफलं चिअ जीवं पावा णिअत्तेइ // 862 // अलमित्थ पसंगेणं बझं पि तवोवहाणमो एवे। . कायव्वं बुद्धिमया कम्मक्खयमिच्छमाणेणं // 863 // 2
