________________ अंतोनिअंसणी पुण लीणा कडि जाव अद्धजंघाओ। बाहिरिआ जा खलुगा कडीइ दोरेण पडिबद्धा.. // 828 // छाएइ अणुकुईए गंडे पुण कंचुओ असीविअओ। ... एमेव य उक्कच्छिय सा णवरं दाहिणे पासे // 829 // वेकच्छिआ उ पट्टो कंचुअमुक्कच्छिअंच छाइंती। संघाडीओ चउरो तत्थ दुहत्था उवसयम्मि // 830 // दोन्नि तिहत्थायामा भिक्खट्ठा एक्क एक्क उच्चारे / ओसरणे चउहत्था निसण्णपच्छायणे, मसिणा // 831 // खंघेगरणी चउहत्थवित्थडा वायविहुयरक्खट्ठा / खुज्जकरणी वि कीरइ रूववईए कुडहहेऊ // 832 // संघाइमे परो वा सव्वोऽवेसो समासओ उवही। पासगबद्धमझुसिरोजं वाऽऽइण्णं तयं णेअं // 833 // पीढग निसिज्ज दंडग पमज्जणी घट्टए डगलमाई। पिप्पलग सूई नहरणि सोहणगदुगं जहण्णो उ // 834 // वासत्ताणे पणगं चिलिमिणिपणगं दुगं च संथारे / दंडाईपणगं पुण मत्तगतिग पायलेहणिआ // 835 // चम्मतियं पट्टदुगं नायव्वो मज्झिमो उवहि एसो। अज्जाण वारओ पुण मज्झिमओ होइ अइरित्तो // 836 // अक्खग संथारो वा एगमणेणंगिओ अ उक्कोसो। पोत्थगपणगं फलगं उक्कोसोवग्गहो सव्वो // 837 // ओहेण जस्स गहणं भोगो पुण कारणा स ओहोही। . जस्स उ दुगं पि निअमा कारणाओ सो उवग्गहिओ // 838 // मुच्छारहिआणेसो सम्मं चरणस्स साहगो भणिओ। . जुत्तीए इहरा पुण दोसा इत्थं पि आणाई . // 839 / / 100
