________________ गिम्हासु हुंति चउरो पंच य हेमंति छच्च वासासु / एए खलु मज्झिमगा एत्तो उ जहन्नए वोच्छं. // 804 // गिम्हासु पंच पडला छप्पुण हेमंत सत्त वासासु। .. तिविहम्मि कालछेए पायावरणा भवे पडला // 805 // अड्डाइज्जा हत्था दीहा बत्तीसअंगुला रुंदा / बिइअं पडिग्गहाओ ससरीराओ उ निप्फनं * // 806 // पुप्फफलोदगरयरेणुसउणपरिहार एयरक्खट्ठा / लिंगस्स य संवरणे वेओदयरक्खणे पडला // 807 // माणं तु रयत्ताणे भाणपमाणेण होइ निप्फन्नं / पायाहिणं करितं मज्झे चउरंगुलं कमइ // 808 // मूसगरय उक्केरे वासे सिण्हा रए अ रक्खट्ठा / होति गुणा रयताणे एवं भणिआ जिणिदेहि // 809 // छक्कायरक्खणट्ठा पायग्गहणं जिणेहिं पन्नत्तं / जे अ गुणा संभोगे हवंति ते पायगहणे वि // 810 // अतरंतबालवुड्डा सेहाऽऽएसा गुरू असहुवग्गो। साहारणोग्गहालद्धिकारणा पायगहणं तु // 811 // कप्पा आयपमाणा अड्ढाइज्जा उ आयया हत्था / दो चेव सुत्तिआ उनिओ अ तइओ मुणेयव्वो // 812 // तणगहणानलसेवानिवारणा धम्मसुक्कझाणट्ठा / दिटुं कप्पग्गहणं गिलाणमरणट्ठया चेव // 813 // बत्तीसंगुलदीहं चउवीसं अंगुलाई दंडो से / सेस दसा पडिपुण्णं रयहरणं होइ माणेणं // 814 // आयाणे निक्खेवे ठाणनिसीअणतुअट्टसंकोए / पुव्विं पमज्जणट्ठा लिंगट्ठा चेव रयहरणं // 815 // 68
