________________ धाइत्तणं करेई पिंडत्थाए तहेव दूइत्तं / / तीआइनिमित्तं वा कहेइ जायाइ वाऽऽजीवे // 756 // जो जस्स कोइ भत्तो वणेइ तं तप्पसंसणेणेव / आहारट्ठा कुणइ व मूढो सुहमेअरतिगिच्छं // 757 // कोहप्फलसम्भावणपडुपण्णो होइ.कोहपिंडो उ। . . गिहिणो कुणइऽभिमाणं मायाएं दवावए तहय // 758 // अतिलोभा परिअडइ आहारट्ठा य संथवं दुविहं / कुणइ पउंजइ विज्ज मंतं चुण्णं च जोगं च // 759 // गब्भपरिसाडणाइ व पिंडत्थं कुणइ मूलकम्मं तु। . .. साहुसमुत्था एए भणि उप्पायणादोसा // 760 // एसण गवेसणण्णेसणा य गहणं च होंति एगट्ठा। आहारम्मिह पगया तीऍ य दोसा इमे हुंति // 761 // संकिअ मक्खिअ णिक्खित्त पिहिअ साहरिअ दायगुम्मीसे / * अपरिणय लित्त छड्डिअ एसणदोसा दस भवंति ... // 762 // कम्माइ संकिइ (संकइ) तयं मक्खिअमुदगाइणा उ जं जुत्तं / णिक्खित्तं सच्चित्ते पिहिअंतु फलाइणा थइअं // 763 // मत्तगगयं अजोग्गं पुढवाइसु छोढु देइ साहरि।। दायग बालाईआ अजोग बीजाइ उम्मीसं . // 764 // अपरिणयं दव्वं चिअ भावो वा दोण्ह दाण एगस्स। लित्तं वसाइणा छद्दिअं तु परिसाडणावंतं // 765 // एवं बायालीसं गिहिसाहूभयसमुब्भवा दोसा। पंच पुण मंडलीए णेआ संजोअणाईआ // 766 // संजोअणा पमाणे इंगाले धूम कारणे चेव। . उवगरणभत्तपाणे सबाहिरब्भंतरा पढमा // 767 // .. 14
