________________ जह रोगासयसमणं विसोसणविरेअणोसहविहीहि / तह कम्मामयसमणं झाणाणसणाइजोगेहिं // 1414 // जह चिरसंचियमिंधणमनलो पवणसहिओ धुवं डहइ / तह कमिंधणममियं खणेण झाणानलो डहइ // 1415 // जह वा घणसंघाया खणेण पवणाहया विभिज्जंति / झाणपवणावहूया तह कम्मघणा विलिज्जंति // 1416 // न कसायसमुत्थेहिं वाहिज्जइ माणसेहिं दुक्खेहिं / ईसाविसायसोगाइएहिं झाणोवगयचित्तो // 1417 // सीआइवाइएहिं सारीरेसु बहुप्पगारेहिं / झाणसुनिच्चलचित्तो न वाहिज्जइ निज्जरापेही // 1418 // इय सव्वगुणठाणं दिट्ठादिट्ठसुहसाहणं झाणं / सुपसत्थं सद्धेअं ने झेअं व निच्चं पि // 1419 // इइ पुव्वुत्तचउक्के झाणेसु पढमदुगि खु मिच्छत्तं / पुरिमदुगे सम्मत्तं तयपुव्वं सव्वणुट्ठाणं . // 1420 // मिच्छत्तं तत्थ दुहा-णाइसपज्जंतमणाइयमपज्जं / भव्वाणमभव्वाणं णेयं खु वि पज्जयाईणं // 1421 // भिन्नाण भिन्नगंठीण पुणो भवे जं च साइपज्जंतं / अट्ठविहं मिच्छत्तं पण्णत्तं खीणदंसीहिं // 1422 // एगंतिय 1 संसइयं 2 वेणइयं 3 पुव्ववुग्गहं 4 चेव / विवरीयरुइ 5 निसग्गं 6 संमोहं 7 मूढदिट्ठिभवं 8 // 1423 // * क्षणिकोऽक्षणिको जीवः सर्वथा सगुणोऽगुणः / इत्यादिभाषमाणस्य तदैकान्तिकमुच्यते // 1424 // सर्वज्ञेन विरागेण जीवाजीवादिभाषितं / तथ्यं न वेति संकल्पैदृष्टिः सांशयिकी मता 1425 // .253
