________________ संकाइदोसरहिओ पसमत्थिज्जाइगुणगणोवेओ / / होइ असंमूढमणो दंसणसुद्धीई झाणम्मि // 1342 // नवकम्माणायाणं पोराणविणिज्जरं सुभादाणं / चारित्तभावणाए झाणमयत्तेण य समेइ // 1343 // सुविइयजगस्सहावो निस्संगो निब्भओ निरासो य / वेरग्गभावियमणो झाणम्मि सुनिच्चलो होइ // 1344 // निच्चं चिय जुवइपसु-णपुंसगकुसीलवज्जियं जइणो / ठाणं वि य णं भणियं विसेसओ झाणकालम्मि // 1345 // थिरकयजोगाणं पुण मुणीण झाणेसु निच्चलमणाणं / गामम्मि जणाइण्णे सुभेरने य न विसेसो // 1346 // तो जत्थ समाहाणं होइ मणोवयणकायजोगाणं / भूओवरोहरहिओ सो देसो झायमाणस्स // 1347 // कालो वि सुच्चिय जहिं जोगसमाहाणमुत्तमं लहइ / न उ दिवसनिसावेलाइ भियमणं झाइणो भणियं // 1348 // जच्चिय देहावत्था जियाणं झाणोवरोहिणी होइ / झाइज्जा तयवत्थो ठिओ निसण्णो निविन्नो वा // 1349 // सव्वासु वट्टमाणासु णओ जं देसकाल चिट्ठासु / वरकेवलाइलाभं पत्ता बहुसो समियपावा // 1350 // तो देसकाल चिट्ठा-नियमो झाणस्स नत्थि समयम्मी / जोगाण समाहाणं जह होइ तहा पयइयव्वं // 1351 // आलंबणाइ वायण-पुच्छणपरियट्टणाणुचिताओ। सामाइयाइयाइं सद्धम्मावस्सयाई च // 1352 // विसमम्मि समारुहइ दढदव्वालंबणो जहा पुरिसो। मुत्ताइकयालंबो तह झाणवरं समारुहइ // 1353 // 250.
