________________ गामागरनगराणं दोणमुहमडंबपट्टणाणं च / सुइरं हवंति सामी अचोरियाए फलं एवं // 1150 // इह चेवं खरारुहणं गरहाधिक्कारमरणपज्जंतं / दुक्खं तक्करपुरिसो लहंति निरयं परभवम्मि // 1151 // निरयाओ उवट्टा केवट्टा कुंटमुटबहिरंधा / चोरिक्कवसणनिहया हुंति नरा भवसहस्सेसु // 1152 // भुंजइ इत्तरपरिग्गह 1 मपरिग्गहियं थियं 2 चउत्थवए / कामे तिव्वहिलासो 3 अणंगकीला 4 परविवाहो 5 // 1153 // दुविहं दिव्वमुरालं करणकारणाणुमइतिभेयजुयं / मणवयणकायगुणियं नवहाट्ठारसविहं मिलियं // 1154 // छन्नंगदंसणे फासणे य गोमुत्तग्गहणकुस्सुमिणे / जयणा सव्वत्थ करे इंदिय अवलोयणे य तहा // 1155 // वसहिकहनिसिग्जिंदियकुद्दुतरपुव्वकीलियपणीए / अइमायाहारविभूसणाइ नव बंभव्वयगुत्तीओ // 1156 // परदारवज्जिणो (चेव ) पंच हुंति तिन्नि उ सदारसंतुढे / इत्थीए तिन्नि पंच व भंगविगप्पेहिं नायव्वा // 1157 // आणाईसरियं वा इड्डी रज्जं व कामभोगा य / कीत्ति बलं च सग्गो आसन्ना सिद्धि बंभाओ // 1158 / / कलिकारओ वि जणमारओ वि सावज्जजोगनिरओ वि / जं नारओ वि सिज्झइ तं खलु सीलस्स माहप्पं // 1159 // वहबंधणउब्बंधणनासिंदियछेयधणक्खयाइया / परदाराओ बहुहा कयत्थणाओ इह भवे वि // 1160 // परलोए सिंबलि तिक्ख-कंटगालिंगणाइ बहुरूवं / . नरयम्मि दुहं दुस्सहं परदाररया लहंति नरा // 1161 // 241
