________________ सच्चं खु जिणाएसो विरईपरिणामो (सो) उ पव्वज्जा / एसो उ तस्सुवाओ पायं ता कीरइ इमं तु // 16 // जिणपण्णत्तं लिंग एसो उ विही इमस्स गहणम्मि। पत्तो मए त्ति सम्मं चिंतेतस्सा तओ होइ / / 169 // लक्खिज्जइ कज्जेणं जम्हा तं पाविऊण सप्पुरिसा नो सेवंति अकज्जं दीसइ थेवं पि पाएणं // 170 // आहच्चभावकहणं न य पायं जुज्जए इहं काउं। ववहारनिच्छया जं दोन्नि वि सुत्ते समा भणिया // 171 // जइ जिणमयं पवज्जह ता मा ववहारणिच्छए मुअह / ववहारणउच्छेए तित्थुच्छेओ जओऽवस्सं // 172 // ववहारपवत्तीइ वि सुहपरिणामो तओ अ कम्मस्स। नियमेणमुवसमाई णिच्छयणयसम्मयं तत्तो // 173 // होते वि तम्मि विहलं न खलु इमं होइ एत्थऽणुट्ठाणं / सेसाणुट्ठाणं पिव आणाआराहणाए उ . // 174 // असइ मुसावाओ वि अ ईसि पि न जायए तहा गुरुणो। विहिकारगस्स आणाआराहणभावओ चेव // 175 // होति गुणा निअमेणं आसंसाईहिं विप्पमुक्कस्स। परिणामविसुद्धीओ अजुत्तकारिम्मि वि तयम्मि // 176 // तम्हा उ जुत्तमेअं पव्वज्जाए विहाणकरणे तु / गुणभावओ अकरणे तित्थुच्छेआइआ दोसा // 177 // * छउमत्थो परिणामं सम्मं नो मुणइ ता ण देइ तओ। न य अइसओ अ तीए विणा कहं धम्मचरणं तु ? // 178 // आहच्चभावकहणं तं पि हु तप्पुब्वयं जिणा बिति। - तयभावे ण य जुत्तं तयं पि एसो विही तेणं // 179 // . .. . 15
