________________ जह अरिहा ओसरणे परिसाइ मज्झट्ठिओ पढमजामे / वक्खाणइ सो अण्णं सूरी वि तहा न अन्नत्थ // 656 // जह तित्थगरस्साणा अलंघणिज्जा तहा य सूरीणं / न य मंडलिए भुंजइ तित्थयरो तहा य आयरिओ // 657 // सव्वेसि पूयणिज्जो तित्थयरो जह तहा य आयरिओ / परिसहवग्गे अभीओ जिणु व्व सूरी वि धम्मकए // 658 // चिंतइ न लोगकजं विकत्थणं कुणइ नेव संलावं / इक्को चिट्ठइ धम्म-झाणे निस्संगयारत्तो // 659 // एवं तित्थयरसमं नवहा सूरीण भासियं समए / तस्साणाए वट्टण-मुब्भावणमित्थ धम्मस्स // 660 // आणाए तवो आणाए संजमो तह य दाणमाणाए / आणारहिओ धम्मो मुणीण भणिओ. तहा असारो // 661 // जह तुसखंडणमयमंडणाणि रुइयाणि सुण्णरण्णम्मी / विहलाइ तहा जाणसु आणारहियं अणुट्ठाणं // 662 // आणाखंडणकारी जइ वि विसुद्धं करेइ आहारं / धम्मोवएसकरणाइ-विहलं सव्वं अणुट्ठाणं // 663 // सव्वो वि अरिहदेवो सुंगुरु गुरू भणइ नाममित्तेण / तेसिं सुद्धसरूवं पुण्णविहुणा न पावंति // 664 // तेसिं सेवासंगं दूरट्ठियमेव कालदोसाओ / तेसिं सुद्धसरूवस्स जाणणमवि. दुल्हं लोए // 665 // ते धण्णा कयपुण्णा ताण कयत्थं सुजीवियं जम्मं / जे सुगुरूण सरूवं लहंति वंदंति झायंति // 666 // जत्थ य तित्थयराणं उसहाईणं सुरिंदमहियाणं / आणं नाइक्कमइ तं गच्छं भावसूरिपहुं // 667 // . 180
