________________ जिणदव्वलेसजणियं ठाणं जिणदव्वभोयणं सव्वं / साहुहिं चइयव्वं जइ तम्मि वसिज्ज पच्छित्तं // 108 // छल्लहुयं छग्गुरुयं भिन्नमासो य पइदिणं जाव / कप्पविहाराईयं भणियं निट्ठागयं कप्पे // 109 // आयाणं जो भुंजइ पडिवण्णधणं न देइ देवस्स / नस्संतं समुविक्खइ सो वि हु परिभमइ संसारे // 110 // उक्कोसं दव्वत्थयं आराहियं जाइ अच्चुयं जाव / भावत्थएण पावइ अंतमुहुत्तेण निव्वाणं // 111 // तम्हा सव्वपयारा पूया पढमा गिहीणमाइट्ठा / बीया सव्वपयारा साहूणं पवयणविहिए हुं // 112 // जिणमुद्दाण चउक्कम्मि पवरापीइमणुद्धरा भत्ती / . आसायणवज्जणया तस्साणाए परमजयणा // 113 // तब्भत्तीए भासा पण्णवणी तेसिमविहिणिण्हवणी / संसयवुच्छेयकरणी भासिज्जइ पवयणाणुगओ // 114 // अणुबंधहेउरूवा तिविहा हिंसा जिणेहिं निद्दिट्ठा / णिच्छयववहाराहिं भासिज्जइ पवयणाणुगओ // 115 // गीयत्थवयणणाहा मग्गसणाहा सया जहिं किरिया / णिच्चं जिणझाणपरा तवसंजमजोगसंजुत्ता . // 116 // तेसिं सव्वपयारा भावत्थवओ हविज्ज जिणपूया / . जइकरणे सयरित्ता तग्गयसुहफलणुमोयणया // 117 // अकसिणपवत्तगाणं विरयाविरयाण एस खलु जुत्तो / संसारपयणुकरणो दव्वत्थए कूवदिटुंतो // 118 // भावत्थयस्स हेऊ दव्वं हेऊ त्ति सद्दओ णेयं / थलगामसिरा कूवा दिटुंता तत्थिमे जाण // 119 // 153