________________ // 3 // // संबोधप्रकरणम् // नमिण वीयरायं सव्वन्नु तियसनाहकयपूयं / संबोहपयरणमिणं वुच्छं सुविहियहियट्ठाए // 1 // जे के वि मग्गरत्ता चरिमावत्ते य चरिमकरणम्मि। तेसिं विबोहणट्ठा भव्वाणं भवियदव्वाणं // 2 // सेयंबरो य आसं-बरो यं बुद्धो य अहव अण्णो वा / समभावभाविअप्पा लहइ मुक्खं न संदेहो मग्गो मग्गो लोए भणंति सव्वे वि मग्गणारहिया / . परमप्पमग्गणा जत्थ तम्मग्गो मुक्खमग्गु त्ति // 4 // जत्थ य विसयकसाय-च्चाओ मग्गो हविज्ज णो अण्णो / नामाइ चउब्भेओ भणिओ सो वीयरागेहिं तत्थप्पभावमग्गो साहिज्जइ पवरसुद्धकरणेहिं / बज्झंतरप्पजोग-प्पओयणे परमपयडत्थं तक्काइजोयकरणा खीरं पयडं घयं जहा हुज्जा / मंथणजोए अग्गी सदणुट्ठाणे तहा अप्पा // 7 // सो भावमुक्खमग्गो परमप्पा हेउविरहिओ जत्थ / ' सुद्धसभावगुणाई संमिलिओ पयडघयकप्पो // 8 // सो धम्मो तं तत्तं परमागमसारभायणं जाण / परमट्ठनिट्ठियट्ठो उक्किट्ठविसिट्ठगुणरूवो चउकारणपरिजुत्तं सव्वं कज्ज समुप्पए पाय। तम्मि य पढमे सुद्धे सव्वाणि तयणुसाराणि // 10 // भावगयं तं मग्गो तस्स विसुद्धीइ हेउणो भणिया / देवगुरुधम्मतत्त-प्पयार संबोहलोगवरा . // 11 // 144
