________________ .. ॥पंचवत्थुगं // णमिऊण वद्धमाणं सम्मं मणवयणकायजोगेहिं / संघं च पंचवत्थुगमहक्कम कित्तइस्सामि // 1 // पव्वज्जाएँ विहाणं 1 पइदिणकिरिया 2 वएसु ठवणा य 3 / अणुओगगणाणुण्णा 4 संलेहण मो 5 इइ पंच // 2 // एए चेव य वत्थू वसंति एएसु नाणमाईया / जं परमगुणा सेसाणि हेउफलभावओ हुंति // 3 // पव्वज्ज पढमदारं 1 सा केणं 2 केसि 3 कम्मि व 4 कहं वा 5 / दायव्व त्ति निरुच्चइ समासओ आणुपुव्वीए // 4 // पव्वयणं पव्वज्जा पावाओ सुद्धचरणजोगेसु। इअ मुक्खं पइ वयणं कारणकज्जोवयाराओ // 5 // नामाइचउब्भेआ एसा दव्वम्मि चरगमाईणं / . भावेण जिणमयम्मि उ आरंभपरिग्गहच्चाओ पुढवाइसु आरंभो परिग्गहो धम्मसाहणं मुत्तुं / / मुच्छा य तत्थ बज्झो इयरो मिच्छत्तमाईओ // 7 // चाओ इमेसि सम्मं मणवयकाएहि अप्पवित्तीओ। एसा खलु पव्वज्जा मुक्खफला होइ निअमेणं पव्वज्जा निक्खमणं समया चाओ तहेव वेरंग्गं / धम्मचरणं अहिंसा दिक्खा एगट्ठियाइं तु // 9 // पव्वज्जाजोग्गगुणेहिं संगओ विहिपवण्णपव्वज्जो / सेविअगुरुकुलवासो सययं अक्खलिअसीलो अ // 10 // सम्मं अहीअसुत्तो तत्तो विमलयरबोहजोगाओ। तत्तण्णू उवसंतो पवयणवच्छल्लजुत्तो अ // 11 // // 6 // // 8 //
