________________ तक्किरिया चुप्पत्तिं मोत्तुं तस्सेव णत्थि अण्णा तु / एत्थमभावम्मि य पुव्ववण्णिया चेव दोसा उ // 264 // जत्तो च्चिय तस्सत्तामेत्तं अत एवऽनंतरद्धाए / होइ. तदद्धाए पुण तब्भावे कह णु तदवेक्खा ? // 265 // कतगत्तमेत्तसत्ताणुबंधि अणिच्चत्तणं ण एवं तु / तदभेदातो ति मती भेदे अब्भुवगमो दुट्ठो // 266 // अह तस्सेस सहावो अणंतरखणम्मि होइ जं कज्जं / इयरस्स वि एसो च्चिय एतं पि न जुत्तिपडिबद्धं // 267 // जं तक्खणभवणम्मि वि णिबंधणं तस्स तस्सहावो तु / तदभावम्मि य भावे अतिप्पसंगो बला होति // 268 // बितियक्खणे य कज्जं ण य सो तम्मि खणिगत्ततो सिद्धं / ता कह णु तस्स भावो ? भावे वितरस्स खणभंगो // 269 // अज्जायस्सियरस्स वि एस सहावो त्ति दुग्घडं जाए / किं तेण ? सो चिय तओ सो वि असिद्धो तु भणियमिणं // 270 // वेसिटुं पि न जुज्जति खणिगत्ते कारणस्स सहजाणं / णो इच्छिज्जइ जम्हा विसेसकरणं (णो) कहंचिदवि // 271 // भिन्नद्धाणमुवादाणकारणस्साविसेसभावम्मि / कत्तो फले विसेसो ?, ण य सो तस्सावि इय जुत्तो // 272 // अह सोऽणादी ण घडई एवं चिय सव्वहा अणादी वि / जुगवेतरभावित्तं विणा ण जमणादिपक्खो वि // 273 // अह तस्स सहेऊतो एम सहावो त्ति जेण सहकारी / पप्पाकिंचिकरं पि हु फले विसेसं फुडं कुणइ // 274 // माणं किमत्थ तीरति एव सहावंतरं पि कप्पेउं / अत्थाणपक्खवातो य तस्सवेक्खाणियोगम्मि // 275 // 23
