________________ पढमाए उज्झिया ते बीयाए छोल्लिय ति ततियाए / बद्धकरंडीरक्खण चरिमाए रोहिया विहिणा // .175 // कालेणं बहुएणं भोयणपुव्वं तहेव जायणया / पढमा सरणविलक्खा तह बितिया ततिय अप्पिणणं // 176 // चरिमाए कोंचिगाओ खेत्ताओ तुम्ह वयणपालणया / . सा एवं चिय इहरा सत्तिविणासा ण सम्मं ति . // 177 // तब्बंधूणभिहाणं तुब्में कल्लाणसाहगा मे त्ति / किं जुत्तमेत्थ मज्झं ते आहु तुमं मुणेसि त्ति // 178 // तत्तो य कज्जवुज्झणकोट्टणभंडारगिहसमप्पणया / जाहासंखमिमीणं नियकज्जं साहुवाओ य // 179 // अणुबंधं च निरूवइ पगिट्ठफलसाहगं इमो चेव / एत्थं पि वणियपुच्छियजोइसियदुर्ग उदाहरणं // 180 // करकट्टलाभपुच्छा जोतिसियदुगम्मि दुण्हवणियाणं / विहिपडिसेहा लाहो वत्तो कोवो उ इयरस्स. // 181 // मा रूस णत्थि एत्थं आगमणं सत्थघायनासों त्ति / तुट्ठनिवेयणमम्हे सव्वत्थऽणुबंधसार त्ति // 182 // धम्मट्ठाणमहिंसा सारो एसो त्ति उज्जमति एत्तो / सव्वपरिच्चाएणं एगो इह लोगनीतीए // 183 // अन्नो उ का अहिंसा ? आगमओ, सो गुरुउ विहिणा उ / एयम्मि कुणति जत्तं लोउत्तरणीतितो मतिमं // 184 // जं आणाए चरणं आहाकम्मादिणायतो सिद्धं / . ता एयम्मि पयत्तो विनेओ मोक्खहेउ त्ति // 185 // आणाबाहाए जओ सुद्धं पि य कम्ममादि निद्दिटुं / तदबाहाए उ फुडं तं पि य सुद्धं ति एसाणा // 186 // 132
