________________ 1 भगवई स. 25 उ. 4 981 महुगे रसोत्ति / अगंतपएसिए गं भंते ! खंधे कक्खडफासपज्जवेहि कि कड. जुम्मे० पुच्छा, गोयमा ! सिय कडजुम्मे जाव सिय कलिओगे। अगंतपएसिया गं भंते ! खंधा कक्खडफासपज्जवेहि किं कडजुम्मा० पुच्छा, गोयमा! ओघा. देसेणं सिय कडजुम्मा जाव सिय कलिओगा 4, विहाणादेसेणं कडजुम्मावि जाव कलिओगावि 4, एवं मउयगरुयलहुयावि भाणियव्वा, सीयउसिणणिद्धलक्खा जहा वण्णा // 741 // परमाणुपोग्गले गं भंते ! किं सड्ढे अणड्ढे ? गोयमा ! णो सड्ढे अणड्ढे / दुपएसिए णं पुच्छा, गोयमा ! सड्ढे णो अणड्ढे, तिपएसिए जहा परमाणुपोग्गले, चउप्पएसिए जहा दुपएसिए, पंचपएसिए जहा तिपएसिए, छप्पएसिए जहा दुपएसिए, सत्तपएसिए जहा तिपएसिए, अट्ठपएसिए जहा दुपएसिए, णवपएसिए जहा तिपएसिए, दसपएसिए जहा दुपएसिए / संखेज्जपएसिएं भंते ! खंधे-पृच्छा, गोयमा ! सिय सड्ढे सिय अणड्ढे एवं असंखेज्जपएसिएवि, एवं अणंत. पएसिए वि / परमाणुपोग्गला णं भंते ! कि सड्ढा अणड्ढा ? गोयमा ! सट्टा वा अणड्डा वा, एवं जाव अगंतपएसिया // 742 // परमाणुपोग्गले गं भंते ! कि सेए णिरेए ? गोयमा ! सिय सेए सिय णिरेए, एवं जाव अणंतपएसिए / परमाणपोग्गला गं भंते ! कि सेया णिरेया ? गोयमा ! सेयावि णिरेयावि, एवं जाव अगंतपएसिया। परमाणुपोग्गले गं भंते ! सेए कालओ केवच्चिरं होइ ? गोयमा ! जहण्णेणं एक्कं समयं उक्कोसेणं आवलियाए असंखेज्जइभागं / परमाणुपोग्गले गं भंते ! गिरेए कालओ केवच्चिरं होइ ? गोयमा ! जहणेणं एक्कं समयं उक्कोसेणं असंखेज्जं कालं, एवं जाव अणंतपएसिए / परमाणुपोग्गला गं भंते ! सेया कालओ केवच्चिरं होंति ? गोयमा! सव्वद्धं / परमाणपोग्गला गं भंते ! णिरेया कालओ केवच्चिरं होंति ? गोयमा ! सव्वद्धं, एवं जाव अणंतपएसिया। परमाणुपोग्गलस्स गं भंते ! सेयस्स केवइयं कालं अंतरं होइ ? गोयमा ! सट्टाणंतरं पडुच्च जहणेणं एक्कं समयं उक्कोसेणं असखेज्जं कालं, परटाणंतरं पडुच्च जहण्णेणं एक्कं समयं उक्कोसेणं असंखेज्ज कालं / णिरेयस्स केवइयं कालं अंतरं होइ ? गोयमा ! सट्टाणंतरं पडुच्च जहण्णेणं एक्कं समयं उक्कोणं आवलियाए असंखेज्जइमागं, परढाणंतरं पडुच्च जहण्णेणं एक्कं समयं उक्कोसेणं असंखेज्जं कालं। दुपए.
