________________ 976 अंग-पविट सुत्ताणि असंखेज्जा अणंता, एवं जाव अणंतपएसिया खंधा। एगपएसोगाढा णं भंते ! पोग्गला कि संखेज्जा असंखज्जा अणंता ? एवं चेव, एवं जाव असंखेज्जपए. सोगाढा / एगसमयदिईया गं भंते ! पोग्गला कि संखेज्जा०? एवं चेव, एवं जाव असंखेज्जसमयट्टिईया। एगगुणकालगा गं भंते ! पोग्गला कि संखेज्जा० ? एवं चेव, एवं जाव अगंतगणकालगा, एवं अवसेसाविवष्णगंधरसफासा यन्वा जाव अणंतगुणलुक्खत्ति / एएसि गं भंते ! परमाणपोग्गलाणं दुपएसियाण य खधाणं दवट्टयाए कयरे 2 हितो अप्पा वा बहया वा तुल्ला वा विसेसाहिया वा ? गोयमा ! दुपएसिएहितो खंहितो परमाणुपोग्गला दव्वट्ठयाए बहुथा। एएस भंते ! दुपएसियाणं तिपएसियाण य खंधाणं दवट्ठयाए कयरे 2 हितो बहुया? गोयमा! तिपएसिएहितो खंहितो दुपएसिया खंधा दव्वट्टयाए बहुया एवं एएणं गमएणं जाव दसपएसिएहितो खंधेहितो णवपएसिया खधा दबढ़ याए बहुया। एएसि णं भंते ! दसपएसि० पुच्छा, गोयमा ! दसपएसिएहितो खंहितो संखेज्जपएसिया खंधा दव्वट्ठयाए बहुया। एएसि गं भंते ! संखेज्ज० पुच्छा, गोयमा! सखेज्जपएसिएहितो खंहितो असंखेज्जपएसिया खंधा दब्वट्ठ याए बया। एएसि गं भंते ! असंखेज्जपएसि०, पुच्छा, गोयमा ! अणंतपए. सिए हितो खंहितो असंखेज्जपएसिया खंधा दवट्टयाए बया। एएसि गं भंते ! परमाणुपोग्गलाणं दुपएसियाण य खंधाणं पएसट्टयाए कयरे 2 हितो बहुया ? गोयमा ! परमाणुपोग्गलेहितो दुपएसिया खंधा पएसट्टयाए बहुया, एवं एएणं गमएणं जाव णवपएसिएहितो खहितो दसपएसिया खंधा पएसट्टयाए बहुया, एवं सम्वत्थ पुच्छियन्वं, दसपएसिएहितो खंहितो संखेज्जपएसिया खंधा पए. सट्टयाए बहुया। संखेज्जपएसिएहितो खंहितो असंखेज्जपएसिया खंधा पएसट्ठ. याए बहुया, एएसि णं भते ! असंखेज्जपएसियाणं पुच्छा, गोयमा ! अणंतपएसिएहितो खंहितो असंखेज्जपएसिया खंधा पएसट्टयाए बहुया / एएसि नं भंते ! एगपएसोगाढाणं दुपएसोगाढाण य पोग्गलाणं दवट्टयाए कयरे 2 हितो जाव विसेसाहिया वा ? गोयमा ! दुपएसोगाढेहितो पोग्गलहितो एग. पएसोगाढा पोग्गला दव्वट्ठयाए विसेसाहिया, एवं एएणं गमएणं तिपएसोगाढे. हितो पोग्गलेहितो दुपएसोगाढा पोग्गला दव्वट्ठयाए विसेसाहिया जाव दसपए. सोगाहितो पोग्गलहितो णवपएसोगाढा पोग्गला दवट्ठयाए विसेसाहिया,
