________________ 970 अंग-पविट्ट सुत्ताणि गोयमा ! सिय कडजुम्मे एवं एएणं अभिलावेणं जहेव ठिईए एवं णीलवण्णपज्जवेहि, एवं पंचहि वण्णेहि दोहिं गंधेहि, पंचहि रसेहि, अहि फासेहिं जाव लुक्खफासपज्जवेहि / सेढीओ णं भंते ! दवट्टयाए कि संखेज्जाओ असंखेज्जाओ अणंताओ? गोयमा! णो संखेज्जाओ णो असंखेज्जाओ अणंताओ। पाईणपडीणाययाओ णं भंते! सेढीओ दवदयाए कि संखेज्जाओ 3 एवं चेव, एवं दाहिणुत्तरायया. ओवि, एवं उडमहाययाओवि। लोगागाससेढीओ णं भते ! दवट्टयाए कि संखे. ज्जाओ असंखेज्जाओ अणंताओ? गोयमा ! णो संखेज्जाओ असंखेज्जाओ णो अणंताओ।पाईणपडीणाययाओणं भंते ! लोगागाससेढीओ दवट्याए कि संखेज्जाओ० एवं चेव, एवं दाहिणत्तराययाओवि, एवं उडमहाययाओवि / अलोगागास. सेढीओ णं भंते ! दव्वयाए कि संखेज्जाओ असंखेज्जाओ अणंताओ ? गोयमा! णो संखेज्जाओ णो असंखेज्जाओ अणंताओ, एवं पाईणपडीणाययाओवि, एवं दाहिणुत्तराययाओवि, एवं उड्डमहाययाओवि / सेढीओ णं भंते ! पएसट्ठयाए कि संखेज्जाओ० जहा दवढयाए तहा पएसट्टयाएवि जाव उड्नमहाययाओवि सव्वाओ अणंताओ। लोगागाससेढीओ णं भंते ! पएसट्टयाए कि संखेज्जाओ० पुच्छा, गोयमा ! सिय संवेज्जाओ सिय असंखेज्जाओ णो अणंताओ, एवं पाईणपडीणाययाओवि, एवं दाहिणुत्तराययाओवि, एवं चेव उड्डमहाययाओवि णो संखेज्जाओ असंखेज्जाओ णो अणेताओ / अलोगागाससेढीओ गं भंते ! पएसटूयाए पुच्छा, गोयमा ! सिय संखेज्जाओ सिय असंखेज्जाओ सिय अणंताओ। पाईणपडीणाययाओ णं भंते ! अलोया० पुच्छा, गोयमा ! णो संखे. ज्जाओ णो असंखेज्जाओ अणंताओ, एवं दाहिणत्तराययाओवि। उडमहाययाओ पुच्छा, गोयमा ! सिय संखेज्जाओ सिय असखेज्जाओ सिय अणंताओ॥७२७॥ सेढीओ णं भंते ! किं साइयाओ सपज्जवसियाओ 1, साइयाओ अपज्जवसियाओ 2, अणाइयाओ सपज्जवसियाओ 3, अणाइयाओ अपज्जवसियाओ 4 ? गोयमा ! णो साइयाओ सपज्जवसियाओ, णो साइयाओ अपज्जवसियाओ, णो अणाइयाओ सपज्जवसियाओ, अणाइयाओ अपज्जवसियाओ, एवं जाव उड्डमहाययाओ / लोगागाससेढीओ णं भंते ! कि साइयाओ सपज्जवसियाओ० पुच्छा, गोयमा ! साइयाओ सपज्जवसियाओ, णो साइयाओ, अपज्जवसियाओ, णो अणाइयाओ सपज्जवसियाओ, णो अणाइयाओ अपज्जवसियाओ, एवं जाव
