________________ भगवई स. 24 उ. 24 959 अप्पणा जहण्णकालदिईओ जाओ जहण्णेणं पलिओवमट्ठिईएसु उक्कोसेणवि पलिओवमट्टिईएसु एस चेव वत्तव्वया णवरं ओगाहणा जहण्णेणं धणुहपुहुत्तं उक्कोसेणं दो गाउयाई, ठिई जहण्णेणं पलिओवमं उक्कोसेणवि पलिओवमं सेसं तहेव, कालादेसेणं जहण्णेणं दो पलिओवमाई उक्कोसेणंपि दो पलिओवमाइं एवइयं० 6 / सो चेव अप्पणा उक्कोसकालटिईओ जाओ आइल्लगमग सरिसा तिणि गमगा गेयव्वा णवरं ठिइं कालादेसं च जाणेज्जा है। जब संखेज्जवासाउयसण्णिपंचिदिय० संखेज्जवासाउयस्स जहेव असुरकुमारेसु उवव. ज्जमाणस्स तहेव णववि गमगा, णवरं-ठिई संवेहं च जाणेज्जा, जाहे य अप्पणा जहण्णकालट्टिईओ भवइ ताहे तिसुवि गमएसु सम्मदिट्ठीवि मिच्छादिट्ठीवि णो सम्मामिच्छादिट्ठी, दो णाणा दो अण्णाणा णियम सेसं तं चेव / जइ मणस्सेहितो उववज्जंति० भेदो जहेव जोइसिएसु उववज्जमाणस्स जाव असंखेज्जवासाउयसण्णिमणस्से णं भंते ! जे भविए सोहम्मे कप्पे देवताए उववज्जित्तए एवं जहेव असंखेज्जवासाउयस्स सणिपंचिदियतिरिक्खजोणियस्स सोहम्मे कप्पे उववज्जमाणस्स तहेव सत्त गमगा णवरं आइल्लएसु दोसु गमएसु ओगाहणा जहण्णेणं गाउयं उक्कोसेणं तिण्णि गाउयाइं, तइयगमे जहणणं तिण्णि गाउयाइं उक्कोसेणवि तिण्णि गाउयाई, चउत्थगमए जहण्णणं गाउयं उक्कोसेणवि गाउयं, पच्छिमएसु तिसु गमएसुजहण्णणं तिण्णि गाउयाइं उक्कोसेणवि तिण्णि गाउयाई सेसं तहेव गिरवसेसं 6 / जइ संखेज्जवासाउयसण्णि. मणुस्सेहितो० एवं संखेज्जवासाउयसण्णिमणुस्साणं जहेव असुरकुमारेसु उवव. ज्जमाणाणं तहेव णव गमगा भाणियव्वा णवरं सोहम्मदेवट्टिइं संवेहं च जाणेज्जा, सेसं तं चेव / ईसाणदेवा गं भंते ! कओहितो उववज्जति० ईसाणदेवाणं एस चेव सोहम्मगदेवसरिसा वत्तव्वया णवरं असंखेज्जवासाउयसण्णिचिदियतिरिक्खजोणियस्स जेसु ठाणेसु सोहम्मे उववज्जमाणस्स पलिओवमठिई तेसु ठाणेसु इहं साइरेगं पलिओवमं कायव्वं, चउत्थगमे ओगाहणा जहणेणं धणुहपुहुत्तं उक्कोसेणं साइरेगाई दो गाउयाई, सेसं तहेव 6 / असंखेज्जवासाउयसण्णिमणुस्सवि तहेव ठिई जहा पंचिदियतिरिक्खजोणियस्स असंखेज्जवासाउयस्स ओगाहणावि जेसु ठाणेसु गाउयं तेसु ठाणेसु इहं साइरेगं गाउयं, सेसं तहेव 6 / संखेज्जवासाउयाणं तिरिक्खजोणियाणं
