________________ भगवई स. 24 उ. 23 957 चउवीसइमं सयं तेवीसइमो उद्देसो जोइसिया गं भंते ! कओहितो उववजंति कि रइए० भेदो जाव सण्णि. पाँचदियतिरिक्खजोणिएहितो उववज्जति णो असण्णिपंचिदियतिरिक्ख० / जइ सण्णि कि संखेज्ज० असंखेज्ज. ? गोयमा ! संखेज्जवासाउय० असंखेज्जवासाउय जाव उ० / असंखेज्जवासाउयसणिचिदियतिरिक्खजोणिए णं भंते ! जे भविए जोइसिएसु उववज्जित्तए से णं भंते ! केवइ० ? गोयमा ! जहvणणं अट्रभागपलिओवमदिईएसु उक्कोसेणं पलिओवमवाससयसहस्सदिईएस उववज्जेज्जा, अवसेसं जहा असुरकुमारुद्देसए णवरं-ठिई जहणेणं अट्ठभागपलिओवमं उक्कोसेणं तिणि पलिओवमाइं एवं अणुबंधोवि सेसं तहेव, णवरं कालादेसेणं जहणेणं दो अट्ठभागपलिओवमाई उक्कोसेणं चत्तारि पलिओवमाई वाससयसहस्समभहियाई एवइयं० 1 / सो चेव जहण्णकालट्ठिईएसु उववण्णो जहणणं अट्ठभागपलिओवमट्टिईएसु उक्कोसेवि अट्ठभागपलिओवमट्टिईएसु उ०, एस चेव वत्तव्वया णवरं कालादेसेणं जाणेज्जा 2 / सो चेव उक्कोसकालट्टिईएसु उववण्णो एस चेव वत्तव्वया णवरं ठिई जहणणं पलिओवमं वाससयसहस्समन्भहियं उक्कोसेणं तिण्णि पलिओवमाइं, एवं अणुबंधोवि, कालादेसेणं जहणणं दो पलिओवमाई दोहिं वाससयसहस्सेहिं अब्भहियाई उक्कोसेणं चत्तारि पलिओवमाई वाससयसहस्समम्महियाई 3 / सो चेव अप्पणा जहण्णकालटिईओ जाओ जहण्णेणं अट्ठमागपलिओवमट्टिईएसु उववज्जेज्जा उक्को. सेणवि अट्ठभागपलिओवमट्टिईएसु उववज्जेज्जा / ते गं भंते ! जीवा एगसमए एस चेव वत्तव्वया णवरं ओगाहणा जहणेणं धणुहपुहत्तं उक्कोसेणं साइरेगाई अट्ठारसधणुहसयाई, ठिई जहण्णेणं अट्ठभागपलिओवम उक्कोसेणवि अट्ठभागपलिओवमं, एवं अणुबंधोवि सेसं तहेव, कालादेसेणं जहणेणं दो अट्ठभागपलि. ओवमाइं उक्कोसेणवि दो अट्रभागपलिओवमाइं एवइयं० जहण्णकालदिईयस्स एस चेव एक्को गमो 6 / सो चेव अप्पणा उक्कोसकालढिईओ जाओ सा चेव ओहिया वत्तव्वया णवरं ठिई जहण्णेणं तिणि पलिओवमाइं उक्कोसेणवि तिणि पलिओवमाइं एवं अणुबंधोवि, सेसं तं चेव, एवं पच्छिमा तिणि गमगा णेयव्वा णवरं ठिई संवेहं च जाणेज्जा, एए सत्त गमगा। जइ संखेज्जवासाउय. सण्णिपंचिदिय० संखेज्जवासाउयाणं जहेव असुरकुमारेसु उववज्जमाणाणं तहेव
