________________ 934 अंग-पविट्ठ सुत्ताणि कि रइएहितो उववज्जति तिरि० मण, देवेहितो उववज्जति ? गोयमा ! गो गेरइएहितो उववज्जति तिरिक्ख जोणिएहितो उ० मणुस्सेहितो उववज्जति णो देवेहितो उववज्जति / जइ तिरिक्खजोणि एवं जहा असुर कुमाराणं वत्त. व्वया तहा एएसि पिजाव असणित्ति। जइ सण्णिचिदियतिरिक्खजोणिएहितो उ० कि संखेज्जवासाउय० असंखेज्जवासाउय० ? गोयमा ! संखेज्जवासाउय असंखेज्जवासाउय०जाव उववज्जति / असंखेज्जवासाउयसण्णि पंचिदियतिरिवखजोणिए णं भंते ! जे भविए णागकुमारेसु उववज्जित्तए से णं भंते ! केवइकालटिई• ? गोयमा ! जहणणं दसवाससहस्सटिईएसु उक्कोसेणं देसूणदुपलि. ओवमट्टिईएसु उववज्जेज्जा / ते णं भंते ! जीवा अवसेसो सो चेव असुरकुमारेसु उववज्जमाणस्स गमगो भाणियव्वो जाव भवादेसोत्ति, कालादेसेणं जहण्णेणं साइरेगा पुत्वकोडी दसहि वाससहस्सेहि अमहिया उक्कोसेणं देसूणाई पंच पलिओवमाइं एवइयं जाव करेज्जा 1 / सो चेव जहण्णकालदिईएसु उववण्णो एस चेव वत्तव्वया णवरं णागकुमारट्टिइं संवेहं च जाणेज्जा 2 / सो चेव उक्कोसकालदिईएसु उववण्णो तस्सवि एस चेव वत्तव्वया णवरं ठिई जहणणं देसूणाई दो पलिओवमाइं उक्कोसेणं तिण्णि पलिओवमाई सेसं तं चेव जाव भवादेसोत्ति, कालादेसेणं जहण्णेणं देसूणाई चत्तारि पलिओवमाई उक्को. सेणं देसूणाई पंच पलिओवमाइं एवइयं० 3 / सो चेव अप्पणा जहण्णकालट्टिईओ जाओ तस्सवि तिसुवि गमएसु जहेव असुरकुमारेसु उववज्जमाणस्सजहण्णकालट्ठिईयस्स तहेव णिरवसेसं 6 / सो चेव अप्पणा उक्कोसकालट्ठिईओ तस्सवि तहेव तिण्णि गमगा जहा असुरकुमारेसु उववज्जमाणस्स णवरं णागकुमारदिई संवेहं च जाणेज्जा सेसं तं चेव / जइ संखेज्जवासाउय. सणिपंचिदिय जाव कि पज्जत्तसंखेज्जवासाउय०,अपज्जत्तसंखेज्ज०? गोयमा ! पज्जत्तसंखेज्जवासाउय० णो अपज्जत्तसंखेज्जवासाउय० / पज्जत्तसंखेज्जवासा. उय०, जाव जे भविए णागकुमारेसु उववज्जित्तए से णं भंते ! केवइयकालदिईएसु उववज्जेज्जा ? गोयमा ! जहण्णेणं दसवाससहस्साई उक्कोसणं देसूणाई दो पलिओवमाइं एवं जहेव असुरकुमारेसु उववज्जमाणस्स वत्तव्वया तहेव इहवि णवसुवि गमएसु, णवरं णागकुमारट्टिइं संवेहं च जाणेज्जा, सेसं तं चेव 6 / जइ मणुरोहितो उववज्जति कि सण्णिमणु० असण्णिमणु० ?
