________________ 916 अंग-पविटु सुत्ताणि ववकमंति ते णं भंते ! जीवा कओहिंतो उववज्जति ? .एवं एत्थवि मूलादीया दस उद्देसगा कायव्वा जहेव सालीणं णवरं इमं णाणत्तं-मूले कंदे खंधे तयाए साले य एएसु पंचसु उद्देसएसु देवो ण उववज्जइ, तिणि लेस्साओ,ठिई जहणेणं अंतोमुत्तं दसवाससहस्साई, उवरिल्लेसु पंचसु उद्देसएसु देवो उववज्जइ चत्तारि लेस्साओ, ठिई जहणेणं अंतोमुहत्तं उक्कोसेणं वासपुहुत्तं, ओगाहणा मले कंदे धणुहपुहुत्तं, खंधे तयाए साले य गाउयपुहुत्तं, पवाले पते धणुहपुहुत्तं, पुप्फे हत्थपुहुत्तं, फले बीए य अंगुलपुहुत्तं, सव्वेसि जहण्णेणं अंगुलस्स असं. खेज्जइभागं सेसं जहा सालीणं, एवं एए दस उद्देशगा। पढमो धग्गो समत्तो // 22-1 // अह भंते ! णिबंबजंबुकोसंबतालअंकोल्लपीलुसेलुसल्लइमोयइमालयबउलपलास-करंज-पुत्तंजीवग-रिट्रबहेडगहरियगमल्लाय-उंबरियखीरणि-धायइ. पियालपूइयणिवायगसेण्हयपासियसीसवअयसिपुण्णागणागरुक्ख सीवण्णअसोगाणं एएसि णं जे जीवा मूलत्ताए वक्कमंति एवं मूलादीया दस उद्देसगा कायव्वा गिरवसेसं जहा तालवग्गो। बिइओ वग्गो समत्तो // 22.2 // अह भंते ! अस्थियतिदुयबोरकविट्ठ-अंबाडगमाउलिगबिल्लआमलगफणसदाडिम. आसत्थउंबरवडणग्गोहणंदिरुक्खपिप्पलिसतरपिलक्खुरुक्खकाउंबरियकुच्छंभरिय. देवदालितिलगलउयछत्तोहसिरीससत्तवण्णदहिवण्णलोद्धधव-चंदण-अज्जणणीव. कुडगकलंबाणं एएसि णं जे जीवा मलत्ताए वक्कमति ते णं भते ! एवं एत्थवि मलादीया दस उद्देसगा तालवग्गसरिसा णेयव्वा जाव बीयं / तइओ वग्गो समत्तो // 22.3 // अह भंते ! वाइंगणिअल्लइपोंडइ एवं जहा पण्णवणाए गाहाणसारेणं णेयव्वं जाव गंजपाडलावासिअंकोल्लाणं एएसि णं जे जीवा मलत्ताए वक्कमंति एवं एत्थवि मूलादीया दस उद्देसगा तालवग्गसरिसा णेयव्वा जाव बीयति णिरवसेसं जहा वंसवग्गो। चउत्थो वग्गो समत्तो // 22.4 / / अह भंते ! सिरियकाणवणालियकोरंटगबंधुजीवगमणोज्जा जहा पण्णवणाए पढमपए गाहाणुसारेणं जाव णलणीय कुंदमहाजाईणं एएसि णं जे जीवा मूल. त्ताए वक्कमति एवं एत्थवि मूलादीया दस उद्देसगा णिरवसेसं जहा सालीणं / पंचमो वग्गो समत्तो // 22.5 // अह भंते ! पूसफलिकालिंगीतुंबीतउसीएला. वालुंकी एवं पयाणि छिदियव्वाणि पण्णवण्णागाहाणुसारेणं जहा तालवग्गे जाव दधिफोल्लइकाकलिसोक्कलिअक्कबोंदीणं एएसि णं जे जीवा मूलताए वक्क
