________________ भगवई स. 20 उ. 10 909 पुढविकाइया जाव मणुस्सा तिसु उध्वटुंति, सेसा जहा ऐरइया णवरं जोइसिय. वेमाणिया चयति / णेरइया णं भंते ! कि आइड्ढीए उववज्जति परिड्ढीए उववज्जति ? गोयमा ! आइड्ढीए उववज्जति णो परिड्ढीए उववज्जति, एवं जाव वेमाणिया णं / रइया णं भंते ! कि आइड्ढीए उव्वटुंति परिड्ढीए उव्वटुंति ? गोयमा ! आइड्ढीए उन्वटुंति णो परिड्ढीए उव्वटुंति, एवं जाव वेमाणिया, णवरं जोइसियवेमाणिया चयंतीइ अभिलावो। णेरइया गं भंते ! कि आयकम्मणा उववज्जति परकम्मणा उववज्जंति ? गोयमा ! आयकम्मुणा उववज्जति णो परकम्मणा उववज्जंति, एवं जाव वेमाणिया, एवं उव्वट्टणादंडओवि / णे रइया गं भंते ! कि आयप्पओगेणं उववज्जंति परप्पओगेणं उव. बज्जति ? गोयमा ! आयप्पओगेणं उववज्जति णो परप्पओगेणं उववज्जति, एवं जाव वेमाणिया, एवं उव्वट्टणादंडओवि // ६८५॥णेरइया णं भंते ! कि कइसंचिया अकइसंचिया अवत्तव्वगसंचिया ? गोयमा ! रइया कइसंचियावि अकइसंचियावि अवत्तध्वगसंचियः वि।से केण?णं जाव अवत्तव्वगसंचियावि ? गोयमा ! जे गं रइया संखेज्जएणं पवेसणएणं पविसंति ते णं णेरड्या कइ. संचिया, जे गं रइया असंखेज्जएणं पवेसणएणं पविसंति ते णं णेरइया अकइ. संचिया, जे णं णेरइया एक्कएणं पवेसणएणं पविसंति ते णं णेरइया अवत्तव्वग. संचिया, से तेणठेणं गोयमा ! जाव अवत्तव्वगसंचियावि, एवं जाव थणिय. कुमारा / पुढविक्काइयाणं पुच्छा, गोयमा! पुढविकाइया णो कइसंचिया अकइसंचिया णो अवत्तव्वगसंचिया। से केणठेणं भंते ! एवं वच्चइ जाव णो अवत्तव्वगसंचिया ? गोयमा ! पुढविकाइया असंखेज्जएणं पवेसणएणं पविसंति से तेणठेणं जाव णो अवत्तव्वगसंचिया, एवं जाव वणस्सइकाइया, बेइंदिया जाव वेमाणिया जहा रइया / सिद्धाणं पुच्छा, गोयमा ! सिद्धा कइसंचिया णो अकइसंचिया अवत्तव्वगसंचियावि / से केणठेणं भंते ! जाव अवत्तव्वगसंचियावि ? गोयमा ! जे णं सिद्धा संखेज्जएणं पवेसणएणं पविसंति ते णं सिद्धा कइसंचिया, जे णं सिद्धा एक्कएणं पवेसणएणं पविसंति ते णं सिद्धा अवत्तव्वगसंचिया, से तेणठेणं गोयमा ! जाव अवत्तव्वगसंचियावि / एएसि णं भंते ! रइयाणं कइसंचियाणं अकइसंचियाणं अवत्तव्वगसंचियाण य कयरे 2 जाव विसेसाहिया वा ? गोयमा ! सव्वत्थोवा घेरइया अवत्तव्वगसंचिया, कइ.
