________________ 887 भगवई स. 19 उ. 8 चेव, एवं जाव वेमाणियाणं, णवरं णायच्वं जस्स जइ सरीराणि / कइ विहा गं भंते ! सविदियणिवत्ती प० ? गोयमा ! पंचविहा सव्विदियणिव्वत्ती 50, तं०-सोइंदियणिवत्ती जाव फासिदियणिवत्ती, एवं जाव णेरइया जाव थणिय. कुंमारा णं / पुढविकाइयाणं पुच्छा, गोयमा ! एगा फासिदियणिवत्ती प०, एवं जस्स जइ इंदियाणि जाव वेमाणियाणं / कइविहाणं भंते ! भासाणिवत्ती 50? गोयमा ! चउन्विहा भासाणिवत्ती प०, तं०-सच्चभासाणिवत्ती, मोस. भासाणिवत्ती, सच्चामोसमासाणिवत्ती, असच्चामोसमासाणिवत्ती, एवं एगिदियवज्ज जस्स जा भासा जाव वेमाणियाणं / कइविहा णं भंते ! मण. णिवत्ती प० ? गोयमा ! चउबिहा मणणिव्बत्ती 50, तं०-सच्चमणणिवत्ती जाव असच्चामोसमणणिवत्ती, एवं एगिदियविलिदियवज्जं जाव वेमाणियाणं / कई विहा णं भंते ! कसायणिव्वत्ती प० ? गोयमा! चउन्विहा कसायणिवत्ती प०, तं-कोहकसायणिव्यत्ती जाव लोभकसायणिवत्ती, एवं जाव वेमाणियाणं / काविहा णं भंते ! वणणिवत्ती प० ? गोयमा ! पंचविहा वणणिव्वत्ती 50, तं०-कालवण्णणिवत्ती जाव सुक्किल्लवण्णणिवत्ती, एवं गिरवसेसं जाव वेमाणियाणं, एवं गंधणिवत्ती दुविहा जाव वेमाणियाणं, रसणिवत्ती पंचविहा जाव वेमाणियाणं, फासणिवत्ती अट्टविहा जाव वेमाणियाणं / कइविहा गं भंते ! संठाणणिव्यत्ती प० ? गोयमा ! छव्विहा संठाणणिवत्ती १०,०-समचउरंससंठाणणिव्वत्ती जाव हुंडसंठाणणिवत्ती। रइयाणं पुच्छा, गोयमा ! एगा हुंडसंठाणणिवत्ती प० / असुरकुमाराणं पुच्छा, गोयमा ! एगा - समचउरंससंठाणणिव्वत्ती प०, एवं * जाव थणियकुमाराणं / पुढविकाइयाणं पुच्छा, गोयमा ! एगा मसूरचंदसंठाणणिवत्ती प०, एवं जस्स जं संठाणं जाव वेमाणियाणं / कइविहा णं भंते ! सण्णाणिवत्ती प० ? गोयमा ! चउविहा सण्णाणिवत्ती प०, तं०-आहारसण्णाणिव्वत्ती जाव परिग्गहसण्णाणिवत्ती, एवं जाव वेमाणियाणं / कइविहा गं भंते ! लेस्साणिवत्ती प० ? गोयमा ! छविहा लेस्साणिवत्ती 50, तं०-कण्हलेस्साणिवत्ती जाव सुक्कलेस्साणिवत्ती, एवं जाव वेमाणियाणं जस्स जइ लेस्साओ तस्स तत्तिया भाणियव्वा / केइ विहा णं भंते ! दिट्ठिणिवत्ती प० ? गोयमा ! तिविहा दिदिणिवत्ती 50, तंजहा-सम्मादिट्टिणिवत्ती, मिच्छादिद्विणिवत्ती, सम्मामिच्छादिट्ठि
