________________ 876 अंग-पविट सुत्ताणि खुरधारं वा ओगाहेज्जा ? हंता ओगाहेज्जा / से णं तत्थ छिज्जेज्ज वा भिज्जे. ज्ज वा ? णो इणठे समठे, णो खलु तत्थ सत्थं कमइ, एवं जहा पंचमसए परमाणपोग्गलवत्तव्वया जाव अणगारे णं भंते ! भावियप्पा उदावत्तं वा जाव णो खलु तत्थ सत्थं कमइ // 642 // परमाणुपोग्गले णं भंते ! वाउ. याएणं फुडे वाउयाए वा परमाणुपोग्गलेणं फुडे ? गोयमा ! परमाणपोग्गले वाउयाएणं फुडे णो वाउयाए परमाणुपोग्गलेणं फुडे / दुपएसिए णं भंते ! खंधे वाउयाएणं० एवं चेव, एवं जाव असंखेज्जपए सिए / अणंतपएसिए गं भंते ! खंधे वाउयाए० पुच्छा, गोयमा ! अणंतपएसिए खधे वाउयाएणं फुडे वाउयाए अणंतपएसिएणं खंधेणं सिय फुडे सिय णो फुडे / वत्थी णं भंते ! वाउयाएणं फुडे वाउयाए वत्थिणा फुडे ? गोयमा ! वत्थी वाउयाएणं फुडे णो वाउयाए वस्थिणा फुडे // 643 / / अस्थि गं भंते ! इमीसे रयणप्पभाए पुढवीए अहे दव्वाइं वण्णओ कालणीललोहियहालिहसुक्किल्लाइं, गंधओ सुभिगंधाई दुभिगंधाई, रप्तओ तित्तकडयकसायअबिलमहराई, फासओ कक्खडमउयगरुयलहुयसीयउसिणणिद्धलुक्खाई, अण्णमण्णबद्धाई अण्णमण्णपुट्ठाई जाव अण्णमण्णघडताए चिट्ठति ? हंता अत्थि, एवं जाव अहेसत्तमाए / अस्थि गं भंते ! सोहम्मस्स कप्पस्स अहे० एवं चेव, एवं जाव ईसिप्पन्भाराए पुढवीए / सेवं भंते ! 2 त्ति जाव विहरइ। तए णं समणे भगवं महावीरे जाव बहिया जणवयविहारं विहरइ // 644 // तेणं कालेणं तेणं समएणं वाणियगामे णामं णयरे होत्था वण्णओ, दूइपलासए चेइए वण्णओ, तत्थ णं वाणियगामे णयरे सोमिले णामं माहणे परिवसइ, अड्ढे जाव अपरिभए, रिउव्वेय जाव सुपरिणिट्ठिए पंचण्हं खंडियसयाणं सयस्स कुडुंबस्स आहेवच्चं जाव विहरइ, तए णं समणे भगवं महावीरे जाव समोसढे जाव परिसा पज्ज. वासइ / तए गं तस्स सोमिलस्स माहणस्स इमोसे कहाए लद्धट्ठस्स समाणस्स अयमेयारूवे जाव समुप्पज्जित्था-एवं खलु समणे णायपुत्ते पुव्वाणपुवि चर. माणे गामाणुगामं दूइज्जमाणे सुहंसुहेणं जाव इहमागए जाव दूइपलासए चेइए अहापडिरूवं जाव विहरइ, तं गच्छामि गं समणस्स णायपुत्तस्स अंतियं पाउ. भवामि, इमाइं च णं एयारूवाइं अट्ठाई जाव वागरणाई पुच्छिस्सामि, तं जइ मे से इमाइं एयारूवाइं अट्ठाई जाव वागरणाई वागरेहिइ तओ णं वंदीहामि
