________________ 870 अंग-पविट्ठ सुत्ताणि चेइयस्स अदूरसामंते बहवे अण्णउत्थिया परिवसंति, तंजहा-कालोदाई सेलोदाई एवं जहा सत्तमसए अण्णउत्थियउद्देसए जाव से कहमेयं मण्णे एवं ? तत्थ णं रायगिहे णयरे मदुए णामं समणोवासए परिवसइ, अड्ढे जाव अपरिभए अभिगयजीवाजीवे जाव विहरइ / तए णं समणे भगवं महावीरे अण्णया कयाइ पुव्वाणुपुटिव चरमाणे जाव समोसढे, परिसा जाव पज्जुवासइ / तए णं मददुए समणोवासए इमीसे कहाए लद्धठे समाणे हद्वतुट्ठ जाव हियए हाए जाव सरीरे सयाओ गिहाओ पडिणिक्खमइ स० 2 ता पायविहारचारेणं राय. गिहं णयरं जाव णिग्गच्छइ 2 ता तेसि अण्णउत्थियाणं अदूरसामंतेणं वीईवयइ। तए णं ते अण्णउत्थिया मदुयं समणोवासयं अदूरसामंतेणं वीईवयमाणं पासंति 2 ता अण्णमण्णं सद्दावेंति 2 ता एवं वयासी-एवं खलु देवाणुप्पिया | अम्हं इमा कहा अविउप्पकडा इमं च णं मद्दुए समणोवासए अम्हं अदूरसामंतेणं वीईवयइ, तं सेयं खलु देवाणुप्पिया ! अम्हं मददुयं समणोवासयं एयमट्ठ पुच्छि. तएत्तिकटु अण्णमण्णस्स अंतियं एयमठें पडिसुणेति अण्णमण्णस्स० 2 ता जेणेव मदुए समणोवासए तेणेव उवागच्छंति 2 ता मदुयं समणोवासयं एवं वयासी-एवं खलु मद्दुया ! तव धम्मायरिए धम्मोवएसए समणे णायपुत्ते पंच अस्थिकाए पण्णवेइ जहा सत्तमे सए अण्णउत्थियउद्देसए जाव से कहमेयं मदुया ! एवं ? तए णं से मद्दुए समणोवासए ते अण्णउत्थिए एवं वयासीजइ कज्जं कज्जइ जाणामो पासामो, अहे कज्जं ण कज्जइ ण जाणामो ण पासामो। तए णं ते अण्णउत्थिया मदुयं समणोवासयं एवं वयासी-केस णं तुम मददुया ! समणोवासगाणं भवसि, जे णं तुम एयमझें ण जाणसि ण पाससि ? तए णं से मददुए समणोवासए ते अण्णउत्थिए एवं वयासी-अस्थि णं आउसो ! वाउयाए वाइ ? हंता अस्थि, तुम्भे गं आउसो! वाउयायस्स वाय माणस्स रूवं पासह ? णो इणठे समठे, अत्थि णं आउसो ! घाणसहगया पोग्गला ? हंता अस्थि, तुम्भे णं आउसो ! घाणसहगयाणं पोग्गलाणं रूव पासह ? णो इणठे समठे, अस्थि णं आउसो ! अरणिसहगए अगणिकाए ? हंता अस्थि, तुन्भे णं आउसो ! अरणिसहगयस्स अगणिकायस्स एवं पासह ?णो इणठे समठे, अस्थि णं आउसो ! समुद्दस्स पारगयाइं रूवाइं? हंता अस्थि, तुब्भे णं आउसो ! समुदस्स पारगयाइं रूवाई पासह ? णो इणठे समठे, अस्थि
