________________ भगवई स. 16 उ.२ 833 समएणं सक्के देविदे देवराया वज्जपाणी पुरंदरे जाव भुंजमाणे विहरइ, इमं च णं केवलकप्पं जंबद्दीवं 2 विउलेणं ओहिणा आभोएमाणे 2 पासइ समणं भगवं महावीरं जंबहीवे दीवे एवं जहा ईसाणे तइयसए तहेव सक्केवि णवरं आभिओगे ण सहावेइ हरी पायत्ताणियाहिवई, सुघोसा घंटा, पालओ विमाणकारी पालगं विमाणं, उत्तरिल्ले णिज्जाणमग्गे, दाहिणपुरथिमिल्ले रइकर. पव्वए सेसं तं चेव जाव णामगं सावेत्ता पज्जुवासइ, धम्मकहा जाव परिसा पडिगया। तए णं से सक्के देविदे देवराया समणस्स भगवओ महावीरस्स अंतियं धम्म सोच्चा णिसम्म हट्टतुट्ट० समणं भगवं महावीरं वंदइ णमंसइ वं० ता एवं वयासी-कइविहे गं भंते ! उग्गहे पण्णत्ते ? सक्का ! पंचविहे उग्गहे पण्णत्ते, तंजहा-देविदोग्गहे रायोग्गहे, गाहावइउग्गहे, सागारियउग्गहे, साहम्मियउग्गहे / जे इमे भंते ! अज्जत्ताए समणा णिग्गंथा विहरंति, एएसि णं अहं उग्गहं अणुजाणामीतिकटु समणं भगवं महावीरं वंदइ णमंसइ वं० 2 ता तमेव दिव्वं जाणविमाणं दुरूहइ 2 ता जामेव दिसि पाउन्भूए तामेव दिसि पडिगए / भंते ! ति भगवं गोयमे समणं भगवं महावीरं वंदइ णमंसइ वं० 2 ता एवं वयासी-जं णं भंते ! सक्के देविदे देवराया तुम्भे णं एवं वदइ सच्चे गं एसमठे ? हंता सच्चे // 566 // सक्के णं भंते ! देविदे देवराया कि सम्मावाई मिच्छावाई ? गोयमा ! सम्मावाई णो मिच्छावाई। सक्के णं भंते ! देविदे देवराया कि सच्चं भासं भासइ, मोसं भासं भासइ, सच्चामोसं भासं भासइ, असच्चामोसं भासं भासइ ? गोयमा ! सच्चपि भासं भासइ जाव असच्चामोसंपि भासं भासइ। सक्के णं भंते ! देविदे देवराया कि सावज्जं भासं भासइ अणवज्ज भासं भासइ ? गोयमा ! सावज्जपि भासं भासइ अणवज्जपि भासं भासइ / से केणठेणं भंते ! एवं वच्चइ-सावज्जंपि जाव अणवज्जपि भासं भासइ ? गोयमा ! जाहे गं सक्के देविदे देवराया सुहुमकायं अणिजहित्ताणं भासं भासइ ताहे णं सक्के देविदे देवराया सावज्जं भासं भासइ, जाहे णं सक्के देविदे देव. राया सुहुमकायं णिहित्ताणं भासं भासइ ताहे णं सक्के देविदे देवराया अणवज्ज भासं भासइ, से तेणट्ठणं जाव भासइ। सक्के णं भंते ! देविदे देवराया किं भवसिद्धिए अभवसिद्धिए सम्मद्दिट्ठिए मिच्छादिट्ठिए० एवं जहा मोउद्देसए सणंकुमारे जाव णो अचरिमे // 567 // जीवाणं भंते ! कि चेयकडा कम्मा
