________________ 782 अंग-पविट्ट सुत्ताणि पज्जण्णे कालवासी वुट्टिकायं पकरेइ ? हंता अस्थि / जाहे णं भंते ! सक्के देविदे देवराया वुट्टिकायं काउकामे भवइ से कहमियाणि पकरेइ ? गोयमा ! ताहे चेव णं से सक्के देविदे देवराया अभितरपरिसए वे सद्दावेइ, तए गं ते अधिभतरपरिसगा देवा सद्दाविया समाणा मज्झिमपरिसए देवे सद्दावेति, तए णं ते मज्झिमपरिसगा देवा सद्दाविया समाणा बाहिरपरिसए देवे सद्दावेति, तए णं ते बाहिरपरिसगा देवा सद्दाविया समाणा बाहिरबाहिरगे देवे सद्दावेंति, तए णं ते बाहिरबाहिरगा देवा सद्दाविया समाणा आभि. ओगिए देवे सद्दावेंति, तए णं ते जाव सद्दाविया समाणा वृट्टिकाइए देवे सद्दावेंति, तए णं ते वुट्टिकाइया देवा सद्दाविया समाणा बुट्टिकायं पकरेंति, एवं खलु गोयमा ! सक्के देविदे देवराया बुटिकायं पकरेइ / अस्थि णं भंते ! असुर. कुमारावि देवा वुद्धिकायं पकरेंति ? हंता अस्थि / कि पत्तियण्णं भंते ! असुरकुमारा देवा वटिकायं पकरेंति ? गोयमा ! जे इमे अरहंता भगवंता एएसि णं जम्मणमहिमासु वा, णिक्खमणमहिमासु वा णाणप्पायमहिमासु वा परिणिव्वाणमहिमासु वा, एवं खलु गोयमा ! असुरकुमारावि देवा वुट्टिकायं पकरेंति, एवं णागकुमारावि, एवं जाव थणियकुमारा, वाणमंतरजोइसिय. वेमाणिया एवं चेव // 503 // जाहे णं भंते ! ईसाणे देविदे देवराया तमुक्कायं काउकामे भवइ से कहमियाणि पकरेइ ? गोयमा ! ताहे चेव णं से ईसाणे देविदे देवराया अभितरपरिसए देवे सहावेइ, तए णं ते. अभितरपरिसगा देवा सद्दाविया समाणा एवं जहेव सक्कस्स जाव तए णं ते आभिओगिया देवा सद्दाविया समाणा तमुक्काइए देवे सद्दावेंति, तए णं ते तमुक्काइया देवा सद्दा. विया समाणा तमक्कायं पकरेंति, एवं खलु गोयमा ! ईसाणे देविदे देवराया तमुक्कायं पकरेइ / अस्थि णं भंते ! असुरकुमारावि देवा तमुक्कायं पकरेंति? हंता अस्थि / किं पत्तियण्णं भंते ! असुरकुमारा देवा तमुक्कायं पकरेंति ? गोयमा ! किड्डारइपत्तियं वा पडिणीयविमोहणट्टयाए वा गुत्तीसारखणहेउं घा अप्पणो वा सरीरपच्छायणट्ठयाए, एवं खलु गोयमा ! असुरकुमारावि देवा तमुक्कायं पकरेंति, एवं जाव वेमाणिया / सेवं भंते ! सेवं भंते ! ति जाव विहरइ // 504 //
