________________ 756 अंग-पविट्ट सुत्ताणि आयाइ य णो आयाइ य 16, से तेणठेणं गोयमा ! एवं वुच्चइ-चउप्पएसिए खंधे सिय आया सिय णो आया सिय अवत्तव्वं णिक्खेवे ते चेव भंगा ,उच्चारे. यव्वा जाव णो आयाइ य / आया भंते ! पंचपएसिए. खंधे अण्णे पंचपएसिए खंधे ? गोयमा ! पंचपएसिए खंधे सिय आया 1 सिय णो आया 2 सिय अवत्तव्वं आयाइ य णो आयाइ य 3 सिय आया य णो आया य. 4 सिय आयाय अवत्तव्वं 4 णो आयाय अवत्तव्वेण य तियगसंजोगे एक्को ण पडइ / से केणठेणं भंते ! तं चेव पडिउच्चारेयव्वं ? गोयमा ! अप्पणो आइठे आया 1 परस्स आइलै णो आया 2 तदुभयस्स आइठे अवत्तव्वं 3 देसे आइठे सम्भावपज्जवे देसे आइठे असब्भावपज्जवे एवं दुयंगसंजोगे सव्वे पति तियगसंजोगे एक्को ण पडइ / छप्पए सियस्स सव्वे पडंति जहा छप्पएसिए एवं जाव अणंतपएसिए। सेवं भंते ! सेवं भंते ! ति जाव विहरइ // 468 // बारसमं सयं समत्तं तेरसमं सयं पढमो उद्देसो पुढवी 1 देव 2 मणंतर 3 पुढवी 4 आहारमेव 5 उववाए 6 / भासा 7 कम्म 8 अणगारे केयाघडिया 6 समग्याए 10 / रायगिहे जाव एवं वयासीकइ णं भंते ! पुढवीओ पण्णताओ ? गोयमा ! सत्त पुढवीओ पण्णत्ताओ, तंजहा-रयणप्पभा जाव अहेसत्तमा / इमीसे णं भंते ! रयणप्पमाए पुढवीए केवइया णिरयावाससयसहस्सा पण्णत्ता ? गोयमा ! तीसं णिरयावाससय. सहस्सा पण्णत्ता। ते णं भंते ! किं संखेज्जवित्थडा असंखेज्जवित्थडा? गोयमा! संखेज्जवित्थडावि असंखेज्जवित्थडावि / इमीसे गं भंते ! रयणप्पभाए तीसाए णिरयावाससयसहस्सेसु संखेज्जवित्थडेसु णरएसु एगसमएणं केवइया गैरइया उववज्जति 1 ? केवइया काउलेस्सा उववज्जति 2 ? केवइया कण्हपक्खिया उववज्जति 3? केवइया सुक्कपक्खिया उववज्जति 4 ? केवइया सण्णी उववज्जति 5 ? केवइया असण्णी उववज्जति 6 ? केवइया भवसिद्धिया जीवा उववज्जति 7 ? केवइया अभवसिद्धिया जीवा उववज्जति 8 ? केव. इया आभिणिबोहियणाणी उववज्जति 6 ? केवइया सुयणाणी उववज्जति 10 ? केवइया ओहिणाणी उववज्जति 11 ? केवइया मइअण्णाणी उव
