________________ 752 अंग-पविट्ठ सुत्ताणि याया जोगाया भाणियव्वा / जस्स णं भंते ! दवियाया तस्स उवओगाया एवं सव्वत्थ पुच्छा भाणियव्वा, गोयमा ! जस्स दवियाया तस्स उवओगाया णियमं अस्थि, जस्सवि उवओगाया तस्सवि दवियाया णियमं अत्थि, जस्स दवियाया तस्स णाणाया भयणाए, जस्स पुण णाणाया तस्स दवियाया णियमं अत्थि, जस्स दवियाया तस्स दसणाया णियम अस्थि, जस्सवि दंसणाया तस्स दवियाया णियमं अस्थि, जस्स दवियाया तस्स चरित्ताया भयणाए, जस्स पुण चरित्ताया तस्स दवियाया णियमं अस्थि, एवं वीरियायाएवि समं / जस्स गं भंते ! कसायाया तस्स जोगाया पुच्छा, गोयमा ! जस्स कसायाया तस्स जोगाया णियमं अत्थि, जस्स पुण जोगाया तस्स कसायाया सिय अत्थि सिय णस्थि, एवं उवओगायाएवि समं कसायाया णेयव्वा, कसासाया य णाणाया य परोप्परं दोवि भइयव्वाओ, जहा कसायाया य उवओगाया य तहा कसायाया य दंस. णाया य कसायाया य चरित्ताया य दोवि परोप्परं भइयव्वाओ, जहा कसायाया य जोगाया य तहा कसायाया य वीरियाया. य भाणियवाओ, एवं जहा कसा. यायाए वत्तव्वया भणिया तहा जोगायाएवि उवरिमाहिं समं भाणियब्वाओ / जहा दवियायाए वत्तव्वया भणिया तहा उवओगायाएवि उवरिल्लाहि समं भाणियन्वा / जस्स णाणाया तस्स दंसणाया णियमं अस्थि, अस्स पुण दसणाया तस्स णाणाया भयणाए, जस्स णाणाया तस्स चरित्ताया सिय अत्थि सिय णत्थि, जस्स पुण चरित्ताया तस्स णाणाया णियमं अस्थि, णाणाया वीरियाया दोवि परोप्परं भयणाए। जस्स दंसणाया तस्स उवरिमाओ दोवि भयणाए, जस्स पुण ताओ तस्स दंसणाया णियम अस्थि / जस्स चरित्ताया तस्स वीरियाया णियमं अस्थि, जस्स पुण वीरियाया तस्स चरित्ताया सिय अस्थि सिय णत्थि। एयासि णं भंते ! दवियायाणं कसायायाणं जाव वीरियायाण य कयरे 2 जाव विसेसाहिया वा ? गोयमा ! सव्वत्थोवाओ चरित्तायाओ, णाणायाओ अणंत. गणाओ, कसायायाओ अणंतगणाओ, जोगायाओ विसेसाहियाओ, वीरियायाओ विसेसाहियाओ; उवओगदवियदसणायाओ तिण्णिवि तुल्लाओ विसेसाहियाओ // 466 // आया भंते ! णाणे अण्णाणे ? गोयमा ! आया सिय णाणे सिय अण्णाणे, णाणे पुण णियमं आया। आया भंते ! रइयाणं णाणे अण्णे णेरइ. याणं णाणे ? गोयमा ! आया णेरइयाणं सिय णाणे सिय अण्णाणे, णाणे पुण
