________________ 744 अंग-पविट्ट सुत्ताणि खलु राहू चंदं गेण्हइ एवं०, जया णं राहू आगच्छमाणे वा 4 चंदस्स लेस आवरेत्ताणं पासेणं वीईवयइ तया णं मणुस्सलोए मणुस्सा वयंति-एवं खलु चंदेणं राहुस्स कुच्छी भिण्णा एवं०, जया णं राहू आगच्छमाणे वा 4 चंदस्स लेस्सं आवरेत्ताणं पच्चोसक्कइ तया णं मणुस्सलोए मणुस्सा वयंति-एवं खलु राहुणा चंदे वंते एवं०, जया गं राहू आगच्छमाणे वा जाव परियारेमाणे वा चंदलेस्सं अहे सपक्खि सपडिदिसि आवरेत्ताणं चिट्ठइ, तया णं मणुस्सलोए मणुस्सा वयंति-एवं खलु राहुणा चंदे घत्थे एवं० / कइविहे गं भंते ! राहू पण्णत्ते ? गोयमा ! दुविहे राहू पण्णत्ते, तंजहा-धुवराहू य पव्वराहू य, तत्य गंजे से धवराह से गं बहुलपक्खस्स पाडिवए पण्णरसइभागेणं पण्णरसइभागं चंदस्स लेस्सं आवरेमाणे 2 चिट्ठइ, तंजहा-पढमाए-पढमं भागं बिइयाए बिइयं भागं जाव पण्णरसेसु पण्णरसमं भागं, चरिमसमए चंदे रत्ते भवइ अवसेसे समए चंदे रत्ते वा विरत्ते वा भवइ, तमेव सुक्कपक्खस्स उवदंसेमाणे 2 चिट्ठइ पढमाए पढमं भागं जाव पण्णरसेसु पण्णरसमं भागं, चरिमसमए चंदे विरत्ते भवइ अवसेसे समए चंदे रत्ते वा विरत्ते वा भवइ,, तत्थ णं जे से पव्वराहू से जहण्णेणं छण्हं मासाणं उक्कोसेणं बायालीसाए मासाणं चंदस्स, अडयालीसाए संवच्छराणं सूरस्स // 452 // से केणठेणं भंते ! एवं वच्चइ-चंदे ससी 2? गोयमा ! चंदस्स णं जोइसिदस्स जोइसरण्णो मियंके विमाणे कंता देवा कंताओ देवीओ कंताई आसणसयणखंभभंडमत्तोवगरणाई अप्पणावि य णं चंदे जोइसिदे जोइसराया सोमे कंते सुभए पियदसणे सुरूवे से तेणठेणं जाव ससी // 453 // से केणठेणं भंते ! एवं वुच्चइ-सूरे आइच्चे सूरे० ? गोयमा ! सूराइया णं समयाइ वा आवलियाइ वा जाव उस्सप्पिणीइ वा अवसप्पिणीइ वा से तेण. ठेणं गोयमा ! जाव आइच्चे० 2 // 454 // चंदस्स णं भंते ! जोइसिदस्स जोइसरण्णो कइ अग्गमहिसीओ पण्णत्ताओ? जहा समसए जाव णो चेव णं मेहुणवत्तियं / सूरस्सवि तहेव / विमसूरिया णं भंते ! जोइसिदा जोइसदायाणो केरिसए कामभोगे पच्चणुब्भवमाणा विहरंति ? गोयमा ! -से जहा. णामए केइ पुरिसे पढमजोवणुट्ठाणबलत्थे पढमजोवणुट्ठाणबलत्याए भारियाए सद्धि अचिरवत्तविवाहकज्जे अत्थगवेसणयाए सोलसवासविष्पवासिए से गं तओ लट्ठे कयकज्जे अणहसमग्गे पुणरवि णियगगिहं हव्वमागए हाए
