________________ 726 अंग-पविट्ठ सुत्ताणि प्पिया ! तं विउलं असणं पाणं खाइमं साइमं आसाएमाणस्स जाव पडिजागरमाणस्स विहरित्तए, कप्पइ मे पोसहसालाए पोसहियस्स जाव विहरितए, तं छंदेणं देवाणुप्पिया ! तुब्भे तं विउलं असणं पागं खाइमं साइमं आसाएमाणा जाव विहरह / तए णं से पोक्खली समणोवासए संखस्स समणोवासगस्स अंति. याओ पोसहसालाओ पडिणिक्खमइ 2 ता साथि गरि मज्झमझेणं जेणेव ते समणोवासया तेणेव उवागच्छइ 2 ता ते समणोवासए एवं वयासी-एवं खलु देवाणुप्पिया ! संखे समणोवासए पोसहसालाए पोसहिए जाब विहरइ, तं छंदेणं देवाणुप्पिया ! तुब्भे विउलं असणपाणखाइमसाइमं जाब विहरह, संखे णं समणोवासए णो हव्वमागच्छद' / तए णं ते समणोवासया तं विउलं असणं 4 आसाएमाणा जाव विहरंति / तए णं तस्स संखस्स समणोवासगस्स पुवरत्तावरत्तकालसमयंसि धम्मजागरियं जागरमाणस्स अयमेयारूवे जाव समुप्पज्जित्था-सेयं खलु मे कल्लं जाव जलंते समणं भगवं महावीरं वंदित्ता णमंसित्ता जाव पज्जुवासित्ता तओ पडिणियत्तत्स पक्खियं पोसहं पारित्तए त्तिकटु एवं संपेहेइ 2 ता कल्लं जाव जलंते पोसहसालाओ पडिणिक्खमइ 2 ता सुद्धप्पावेसाइं मंगल्लाइं वत्थाई पवरपरिहिए सयाओ गिहाओ पडिणिक्खमइ सयाओ गिहाओ पडिमिक्खमित्ता पायविहारचारेणं सात्थि णरि मज्झं. मज्झेणं जाव पज्जुवासइ / अभिगमो णत्थि / तए णं ते समवाणोसया कल्लं पाउप्पभायाए जाव जलते व्हाया कयबलिकम्मा जाव सरीरा सरहि-सएहि गेहेहितो पडिणिक्खमंति 2 त्ता स० एगयओ मिलायंति 2 ता सेसं जहा पढमं जाव पज्जुवासंति / तए णं समणे भगवं महावीरे तेसि समणोवासगाणं तीसे य धम्म. कहा जाव आणाए आराहए भवइ / तए णं ते समणोवासया समणस्स भगवओ महावीरस्स अंतियं धम्म सोच्चा णिसम्म हट्टतुट्टा उट्टाए उठेति 2 त्ता समणं भगवं महावीरं वदति णमंसंति वं० 2 ता जेणेव संखे समणोवासए तेणेव उवागच्छंति 2 त्ता संखं समणोवासयं एवं वयासी-तुमं देवाणप्पिया ! हिज्जो अम्हे अप्पणा चेव एवं वयासी-तुम्हे णं देवाणुप्पिया ! विउलं असणं जाव विहरिस्सामो, तए णं तुमं पोसहसालाए जाव विहरिए तं सुठ्ठणं तुम देवाणुप्पिया! अम्हं हीलसि / अज्जोत्ति! समणे भगवं महावीरे तें समणोवासए एवं वयासी-मा णं अज्जो ! तुब्भे संखं समणोवासयं हीलह णिदह खिसह गरहह
