________________ भगवई स. 11 उ. 12 721 एक्कारसं सयं बारसमो उद्देसो तेणं कालेणं तेणं समएणं आलभिया णामं णयरी होत्था वण्णओ, संखवणे चेइए वण्णओ, तत्थ णं आलभियाए णयरीए बहवे इसिमद्दपुत्तपामोक्खा समणोवासया परिवसंति, अड्डा जाव अपरिभूया अभिगयजीवाजीवा जाव विह रंति / तए णं तेसिं समणोवासयाणं अण्णया कयाइ एगयओ सहियाणं समु. वागयाणं संणि (समु) विट्ठाणं सण्णिसण्णाणं अयमेयारूवे मिहो कहासमुल्लावे समुप्पज्जित्था-देवलोएसु णं अज्जा ! देवाणं केवइयं कालं ठिई पण्णता ? तए णं से इसिभद्दपुत्ते समणोवासए देवट्ठिइगहियढे ते समणोवासए एवं वयासीदेवलोएसु णं अज्जो ! देवाणं जहणेणं दसवाससहस्साई ठिई पण्णत्ता, तेण परं समयाहिया दुसमयाहिया जाव दससमयाहिया संखेज्जसमयाहिया असंखेज्जसमयाहिया उक्कोसेणं तेत्तीसं सागरोवमाई ठिई पण्णता, तेण परं वोच्छिण्णा देवा य देवलोगा य / तए णं ते समणोवासया इसिभद्दपुत्तस्स समणोवासगस्स एवमाइक्खमाणस्स जाव.एवं परूवेमाणस्स एयमठ्ठ णो सद्दहति णो पत्तियंति णो रोयंति एयमझें असद्दहमाणा अपत्तियमाणा अरोयमाणा जामेव दिसि पाउभूया तामेव दिसि पडिगया // 432 // तेणं कालेणं तेणं समएणं समणे भगवं महावीरे जाव समोसढे जाव परिसा पज्जुवासइ / तए णं ते समणोवासया इमीसे कहाए लट्ठा समाणा हट्टतुट्ठा एवं जहा तुंगिउद्देसए जाव पज्जुवासंति। तए णं समणे भगवं महावीरे तेसि समणोवासयाणं तीसे य महइ० धम्मकहा जाव आणाए आराहए भवइ / तए गं ते समणोवासया समणस्स भगवओ महावीरस्स अंतियं धम्म सोच्चा णिसम्म हट्टतुट्ठा उट्ठाए उठेति उ० 2 ता समणं भगवं महावीरं वंदति गमंसंति वं० 2 ता एवं वयासी--एवं खलु भंते ! इसिभद्दपुत्ते समणोवासए अम्हं एवं आइक्खइ जाव परूवेइ-देवलोएसु णं अज्जो ! देवाणं जहण्णेणं दस वाससहस्साई ठिई पण्णत्ता तेण परं समयाहिया जाव तेण परं वोच्छिण्णा देवा य देवलोगा य, से कहमेयं भंते ! एवं ? अज्जोत्ति! समणे भगवं महावीरे ते समणोवासए एवं वयासी-जणं अज्जो ! इसिभहपुत्ते समणोवासए तुन्भं एवं आइक्खइ जाव परूवेइ-देवलोएसु णं अज्जो ! देवाणं जहण्णेणं दस वाससहस्साई ठिई पण्णत्ता तेण परं समयाहिया
