________________ भगवई स. 11 उ. 11 719 अट्ट खीरधाईओ जाव अट्ठ अंकधाईओ अट्ठ अंगमदियाओ अट्ठ उम्मदियाओ अट्ठ पहावियाओ अट्ठ पसाहियाओ अट्ठ वष्णगपेसीओ अट्ठ चुण्णगपेसीओ अट्ट कोट्ठागारीओ अट्ठ दवकारीओ अट्ठ उवत्थाणियाओ अट्ठ णाडइज्जाओ अट्ठ कोडंबिणीओ अट्ठ महाणसिणीओ अट्ठ भंडागारिणीओ अट्ठ अ (ब्भा) ज्झाधारि. णीओ अट्ठ पुप्फधारिणीओ अट्ठ पाणिधारिणीओ अट्ठ बलिकारीओ अट्ठ सेज्जाकारीओ अट्ठ अभितरियाओ पडिहारीओ अट्ठ बाहिरियाओ पडिहारीओ अट्ठ मालाकारीओ अट्ट पेसणकारीओ अण्णं वा सुबहुं हिरण्णं वा सुवण्णं वा कंसं वा दूसं वा विउलधणकणग जाव संतसारसावएज्जं अलाहि जाव आसत्तमाओ कुलवंसाओ पकामं दाउं पकामं भोत्तुं पकामं परिभाएउ / तए गं से महब्बले कुमारे एगमेगाए भज्जाए एगमेगं हिरण्णकोडि दलयइ एगमेगं सुवण्णकोडिं दलयइ एगमेगं मउडं मउडप्पवरं दलयइ एवं तं चेव सव्वं जाव एगमेगं पेसणकारि दलयइ अण्णं वा सुबहुं हिरण्णं वा सुवण्णं वा जाव परिभाएउं / तए णं से महब्बले कुमारे उप्पि पासायवरगए जहा जमाली जाव विहरइ // 426 // तेणं कालेणं तेणं समएणं विमलस्स अरहओ पओप्पए धम्मघोसे णामं अणगारे जाइसंपण्णे वण्णओ जहा केसिसामिस्स जाव पंचहि अणगारसएहि सद्धि संपरिवुडे पुव्वाणुपुचि चरमाणे गामाणुगामं दूइज्जमाणे जेणेव हत्थिणापुरे णयरे जेणेव सहसंबवणे उज्जाणे तेणेव उवागच्छइ 2 ता अहापडिरूवं उग्गहं ओगिण्हइ 2 ता संजमेणं तवसा अप्पाणं भावमाणे विहरइ / तए णं हत्थिणा. पुरे णयरे सिंघाडगतिय जाव परिसा पज्जवासइ / तए णं तस्स महब्बलस्स कुमारस्स तं महया जणसई वा जणबूहं वा एवं जहा जमाली तहेव चिंता तहेव कंचुइज्जपुरिसं सद्दावेइ, कंचुइज्जपुरिसोवि तहेव अक्खाइ, णवरं धम्मघोसस्स अणगारस्स आगमणगहियविणिच्छए करयल जाव णिग्गच्छइ, एवं खलु देवाणुप्पिया ! विमलस्स अरहओ पउप्पए धम्मघोसे णाम अणगारे सेसं तं चेव जाव सोवि तहेव रहवरेणं णिग्गच्छइ, धम्मकहा जहा केसिसामिस्स, सोवि तहेव अम्मा. पियरो आपुच्छइ, णवरं धम्मघोसस्स अणगारस्स अंतिए मुंडे भवित्ता अगाराओ अणगारियं पव्वइत्तए तहेव वृत्तपडियुत्तया णवरं इमाओ य ते जाया विउल. * रायकुलबालियाओ कला० सेसं तं चेव जाव ताहे अकामाई चेव महब्बलकुमारं एवं वयासी-तं इच्छामो ते जाया ! एगदिवसमवि रज्जसिरि पासित्तए, तए
