________________ 714 अंग-पविट्ठ सुत्ताणि लक्खणपाढगा बलेणं रण्णा वंदिय-पूइय-सक्कारिय-सम्माणिया समाणा पत्तेयं पत्तेयं पुव्वण्णत्थेसु भद्दासणेसु णिसीयंति / तए णं से बलें राया पभावई देवि जवणियंतरियं ठावेइ ठावेत्ता पुप्फफल पडिपुण्णहत्थे परेणं विणएणं ते सुविणलक्खणपाढए एवं वयासी-एवं खलु देवाणुप्पिया ! पभावई देवी अज्ज तंसि तारिसर्गसि वासघरंसि जाव सीहं सुविणे पासित्ता णं पडिबुद्धा, तण्णं देवाणु. प्पिया ! एयस्स ओरालस्स जाव के मण्णे कल्लाणे फलवित्तिविसेसे भविस्सइ ? तए णं ते सुविणलक्खणपाढगा बलस्स रण्णो अंतियं एयम→ सोच्चा णिसम्म हतुट्ठ० तं सुविणं ओगिण्हंति ओगिण्हत्ता ईह अणुप्पविसंति अणुप्पविसित्ता तस्स सुविणस्स अत्थोग्गहणं करेंति तस्स० 2 ता अण्णमण्णेणं सद्धि संचालेंति 2 ता तस्स सुविणस्स लट्ठा गहियट्ठा पुच्छियट्ठा विणिच्छियट्ठा अभिगयट्ठा बलस्स रण्णो पुरओ सुविणसत्थाई उच्चारेमाणा 2 एवं वयासी-एवं खलु देवाणुप्पिया ! अम्हं सुविणसत्थंसि बायालीसं सुविणा तीसं महासुविणा बावरि सव्वसुविणा दिट्ठा, तत्थ णं देवाणुप्पिया! तित्थयरमायरो वा चक्कट्टिमायरो वा तित्थयरंसि वा चक्कट्टिसि वा गम्भं वक्कममाणंसि एएसि तीसाए महासुविणाणं इमे चोद्दस महासुविणे पासित्ता गं पडिबुज्झंति, तंजहा-गयवसहसीहअभिसेयदामससि. दिणयरं झयं कुंभं / पउमसरसागरविमाणभवणरयणुच्चयसिहि च 14 // 1 // वासुदेवमायरो वा वासुदेवंसि गब्भं वक्कममाणंसि एएसि चोद्दसण्हं महासुवि. णाणं अण्णयरे सत्त महासुविणे पासित्ता गं पडिबझंति, बलदेवमायरो वा बलदेवंसि गम्भं वक्कममाणंसि एएसि चोद्दसण्हं महासुविणाणं अण्णयरे चत्तारि महासुविणे पासित्ता णं पडिबुज्झति, मंडलियमायरो वा मंडलियंसि गमं वक्कममाणंसि एएसि णं चउदसण्हं महासुविणाणं अण्णयरं एगं महासुविणं पासित्ता णं पडिबुझंति / इमे य णं देवाणुप्पिया ! पभावईए देवीए एगे महासुविणे दिट्टे, तं ओराले णं देवाणुप्पिया ! पभावईए देवीए सुविणे दिळे जाव आरोग्गतुट्ठि जाव मंगल्लकारए णं देवाणुप्पिया ! पभावईए देवीए सुविणे दिठे, अत्थलाभो देवाणुप्पिया ! भोग० पुत्त० रज्जलाभो देवाणुप्पिया! एवं खलु देवाणुप्पिया ! पभावई देवी णवण्हं मासाणं बहुपडिपुण्णाणं जाव वीइक्कंताणं तुम्हें कुलकेउं जाव दारगं पयाहिइ, सेऽविय णं दारए उम्मुक्कबालभावे जाव रज्जवई राया भविस्सइ अणगारे वा भावियप्पा, तं ओराले
