________________ भगवई स. 11 उ. 11 709 धम्म सोच्चा णिसम्म हट्ठतुझे उट्ठाए उठेइ 2 समणं भगवं महावीरं तिक्खुत्तो जाव णमंसित्ता एवं वयासी-कइ विहे गं भंते ! काले पण्णत्ते ? सुदंसणा ! चउविहे काले पण्णत्ते, तंजहा-पमाणकाले 1 अहाउणिव्वत्तिकाले 2 मरणकाले 3 अद्धाकाले 4 / से कि तं पमाणकाले ? 2 दुविहे पण्णत्ते, तंजहादिवसप्पमाणकाले 1 राइप्पमाणकाले य 2, चउपोरिसिए दिवसे चउपोरि. सिया राई भवइ // 423 // उक्कोसिया अद्धपंचममहत्ता दिवसस्स वा राईए वा पोरिंसी भवइ, जहणिया तिमहत्ता दिवसस्स वा राईए वा पोरिसी भवइ / जया णं भंते ! उक्कोसिया अद्धपंचममहत्ता दिवसस्स वा राईए वा पोरिसी भवइ तया णं कइभागमहत्तभागेणं परिहायमाणी-परिहायमाणी जहणिया तिमहत्ता दिवसस्स वा राईए वा पोरिसी भवइ ? जया णं जहणिया तिम्हुत्ता दिवसस्स वा राईए वा पोरिसी भवइ, तया णं कइभागमहत्तभागेणं परिवड्डमाणी 2 उक्कोसिया अद्धपंचममहत्ता दिवसस्स वा राईए वा पोरिसी भवइ ? सुदंसणा | जया गं उक्कोसिया अद्धपंचममहत्ता दिवसस्स वा राईए वा पोरिसी भवइ तया गं बावीससयभागमुहत्तभागेणं परिहायमाणी 2 जहणिया तिमहत्ता दिवसस्स वा राईए वा पोरिसी भवइ, जया णं जहण्णिया तिमुहुत्ता दिवसस्स वा राईए वा पोरिसी भवइ तया णं बावीससयभागमहत्तभागेणं परिवडमाणी-परिवड्डमाणी उक्कोसिया अद्धपंचममुहुत्ता दिवसस्स वा राईए वा पोरिसी भवइ / कया णं भंते ! उक्कोसिया अद्धपंचममुहुत्ता दिवसस्स वा राईए वा पोरिसी भवइ कया वा जहणिया तिमुत्ता दिवसस्स वा राईए वा पोरिसी भवइ ? सुदंसणा ! जया णं उक्कोसए अट्ठारसमुहत्ते दिवसे भवइ जहणिया दुवालसमहत्ता राई भवइ तया णं उक्कोसिया अद्धपंचममहत्ता दिवसस्स पोरिसी भवइ जहणिया तिमहत्ता राईए पोरिसी भवइ, जया णं उक्कोसिया अद्वारसमहत्तिया राई भवइ जह. णिए दुवालसमहत्ते दिवसे भवइ तया णं उक्कोसिया अद्धपंचममहत्ता राईए पोरिसी भवइ जहणिया तिमुहुत्ता दिवसस्स पोरिसी भवइ / कया णं भंते ! उक्कोसए अट्ठारसमुहुत्ते दिवसे भवइ जहणिया दुवालसमुहुत्ता राई भवइ कया वा उक्कोसिया अट्ठारसमुहुत्ता राई भवइ जहण्णए दुवालसमुहुत्ते दिवसे * भवइ ? सुदंसणा ! आसाढपुण्णिमाए उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राई भवइ, पोसस्स पुणिमाए णं उक्कोसिया अट्ठा
