________________ भगवई स. 9 उ. 33 6 73 लिस्स खत्तियकुमारस्स बहूसु तिहीसु य पव्वणीसु य उस्सवेसु य जण्णेसु य छणेसु य अपच्छिमे दरिसणे भविस्सई तिकटु ऊसीसगमूले ठवेइ / तए णं तस्स जमालिस्स खत्तियकुमारस्स अम्मापियरो दोच्चंपि उत्तरावक्कमणं सीहा. सणं रयाति 2 ता जमालिस्स खत्तियकुमारस्स सीयापीयहि कलसेहि हार्वेति सीयापीयएहि कलसेहि व्हावेत्ता पम्हलसुकुमालाए सुरभीए गंधकासाईए गायाइं लूहेंति सुरभीए गंधकासाईए गायाइं लूहेत्ता सरसेणं गोसीसचंदणेणं गायाई अणुलिपंति गायाई अणुलिपित्ता णासाणिस्सासवायवोज्झं चक्खुहरं वण्णफरिसजुत्तं हयलालापेलवाइरेगं धवलं कणगखचियंतकम्म महरिहं हंसलक्खणपडसाडगं परिहिति 2 त्ता हारं पिणखेति 2 ता अद्धहारं पिणद्धेति 2 ता० एवं जहा सूरियाभस्स अलंकारो तहेव जाव चित्तं रयणसंकड़क्कडं मउडं पिणद्धेति, कि बहुणा गंथिमवेढिमपूरिमसंघाइमेणं च उविहेणं मल्लेणं कप्परुक्खगं पिवअलंकियविभूसियं करेंति / तए णं से जमालिस्स खत्तियकुमारस्त पिया कोडुंबियपुरिसे सद्दावेइ सद्दावेत्ता एवं वयासी-खिप्पामेव भो देवाणुप्पिया ! अणेगखंभसयसण्णिविठं लीलट्ठियसालभंजियागं जहा राय. प्पसेणइज्जे विमाणवण्णओ जाव मणिरयणघंटियाजालपरिक्खित्तं पुरिससहस्सवाहिणि सीयं उवट्ठवेह उवट्ठवेत्ता मम एयमाणत्तियं पच्चप्पिणह, तए णं ते कोडुंबियपुरिसा जाव पच्चप्पिणंति / तए णं से जमाली खत्तियकुमारे केसालं. कारेणं वत्थालंकारेणं मल्लालंकारेणं आभरणालंकारेणं चउविहेणं अलंकारेणं अलंकारिए समाणे पडिपुग्णालंकारे सीहासणाओ अब्भुठेइ सीहासणाओ अब्भुठेत्ता सीयं अणुप्पयाहिणीकरेमाणे सीयं दुरूहइरत्ता सीहासणवरंसि पुरत्या. भिमहे सण्णिसण्णे। तए णं तस्स जमालिस्स खत्तियकुमारस्स माया व्हाया कयबलिजाव सरीरा हंसलक्खणं पडसाडगं गहाय सीयं अणुप्पयाहिणीकरेमाणी सोयं दुरूहइ सीयं दुरूहित्ता जमालिस्स खत्तियकुमारस्स दाहिणे पासे भद्दासणवरंसि संणिसण्णा, तए णं तस्स जमालिस्स खत्तियकुमारस्स अम्मधाई व्हाया जाव सरीरा रयहरणं पडिग्गहं च गहाय सीयं अणुप्पयाहिणी करेमाणी सीयं दुरूहइ सीयं दुरूहित्ता जमालिस्स खत्तियकुमारस्स वामे पासे भद्दासणवरंसि संणिसण्णा / तए णं तस्स जमालिस्स खत्तियकुमारस्स पिट्ठओ एगा वरतरुणी सिंगारागारचारवेसा संगयगय जाव रूवजोव्वणविलासकलिया सुंदरथण हिम
