________________ भगवई स. 9 उ. 33 671 वा दुभिक्ख मत्तेइ वा गिलाणभत्तेइ वा वद्दलियाभत्तेइ वा पाहुणगभत्तेइ वा सेज्जायपिइ वा रायपिंडेइ वा मूलभोयणेइ वा कंदभोयणेइ वा फलभोयणेइ वा बीयभोयणेइ वा हरियभोयणेइ वा भुत्तए वा पायए वा, तुमंसि च णं जाया! सुहसमुचिए णो चेव णं दुहसमुचिए णालं सीयं णालं उण्हं णालं खुहा णालं पिवासा णालं चोरा णालं वाला णालं दंसा णालं मसगा णालं वाइयपित्तिय. सेंभियसण्णिवाइए विविहे रोगायके परीस्सहोवसग्गे उदिण्णे अहियासेत्तए, तं णो खलु जाया ! अम्हे इच्छामो तुम्भं खणमवि विप्पओगं तं अच्छाहि ताव जाया ! जाव ताव अम्हे जीवामो, तओ पच्छा अम्हेहि कालगएहिं जाव पव्वइहिसि / तए णं से जमाली खत्तियकुमारे अम्मापियरो एवं वयासी-तहावि णं तं अम्मयाओ ! जणं तुब्भे ममं एवं वयह-एवं खलु जाया ! णिग्गंथे पावयणे सच्चे अणुत्तरे केवले तं चेव जाव पव्वइहिसि, एवं खलु अम्म. याओ ! णिग्गंथे पावयणे कीवाणं कायराणं कापुरिसाणं इहलोगपडि. बद्धाणं परलोगपरंमुहाणं विसयतिसियाणं दुरणुचरे पागयजणस्स, धीरस्स णिच्छियस्स ववसियस्स णो खलु एत्थं किंचिवि दुक्करं करणयाए, तं इच्छामि गं अम्मयाओ ! तुब्र्भहिं अब्भणुग्णाए समाणे समणस्स भगवओ महावीरस्स जाव पव्वइत्तए / तए णं तं जमालि खत्तियकुमारं अम्मापियरो जाहे णो संचाएंति विसयाणुलोमाहि य विसयपडिकूलाहि य बाहिं आघवणाहि य पण्णवणाहि य . 4 आघवेत्तए वा जाव विण्णवेत्तए वा ताहे अकामाई चेव जमालिस्स खत्तियकुमारस्स णिक्खमणं अणुमण्णित्था // 383 // तए गं तस्स जमालिस्स खत्तियकुमारस्स पिया कोडुंबियपुरिसे सद्दावेइ सद्दावेत्ता एवं वयासी-खिप्पामेव भो देवाणुप्पिया ! खत्तियकुंडग्गामं णयरं सभितरबाहिरियं आसियसंमज्जिओवलितं जहा उववाइए जाव पच्चप्पिणंति / तए णं से जमा. लिस्स खत्तियकुमारस्स पिया दोच्चंपि कोडुंबियपुरिसे सद्दावेइ सद्दावइत्ता एवं वयासी-खिप्पामेव भो देवाणुप्पिया ! जमालिस्स खत्तियकुमारस्स महत्थं महग्धं महरिहं विपुलं णिक्खमणाभिसेयं उवट्ठवेह, तए णं ते कोडंबियपुरिसा तहेव जाव पच्चप्पियति / तए ण त जमालि खत्तियकुमारं अम्मापियरो सीहा. सणवरंसि पुरस्थाभिमुहं णिसीयावेंति णिसीयावेत्ता अट्ठसएणं सोवणियाणं कलसाणं एवं जहा रायप्पसेणइज्जे जाव अट्ठसएणं भोमेज्जाणं कलसाणं सव्वि.
