________________ भगवई स. 9 उ. 33 663 हारबिरइयउचियकडगखुड्डायएकावलीकंठसुत्तउरत्यगेवेज्जसोणिसुत्तगणाणाममणिरयण मूसणविराइयंगी चीणंसुयवस्थपवरपरिहिया दुगुल्लसुकुमालउत्तरिज्जा सव्वोउयसुरभिकुसुमवरियसिरया वरचंदणवंदिया वराभरणभूसियंगी काला. गुरुधूवधूविया सिरिसमाणवेसा जाव अप्पमहग्घाभरणालंकियसरीरा बाहिं खुज्जाहिं चिलाइयाहि वामणियाहि वडहियाहि बब्बरियाहि पओसियाहिं ईसिगणियाहि जोहियाहि चारुगणियाहि पल्हवियाहि ल्हासियाहिं लउसियाहिं आरबीहिं दमिलोहिं सिंघलोहिं पुलिदोहिं पुक्ख लीहिं बहूलीहिं मुरुंडीहिं सब. रोहिं पारसोहि णाणादेसोहि विदेसपरिपिडियाहि इंगिचितियपत्थियवियाणि. याहिं सदेसणेवत्थगहियवसाहिं कुसलाहि विणीयाहि य चेडियाचक्कवालवरि. सधरथेरकं वुइज्जमहत्तरगवंदपरिक्खित्ता अंतेउराओ . णिग्गच्छइ अंतेउराओ णिग्गच्छित्ता जेणेव बाहिरिया उवढाणसाला जेणेव धम्मिए जाणप्पवरे तेणेव उवागच्छइ तेणेव उवागच्छिता जाव धम्मियं जाणप्पवरं दुरूढा / तए णं से उसमदत्ते माहणे देवाणंदाए माहणीए सद्धि धम्मियं जाणप्पवरं दुरूढे समाणे णियगपरियालसंपरिबुडे माहणकुंडग्गामं जयरं मज्झमझेणं णिग्गच्छइ णिग्गच्छइता जेगेव बहुसालए चेइए तेणेव उबागच्छइ तेणेव उवागच्छइत्ता छत्ताईए तित्थयराइसए पासइ छ० 2 ता धम्मियं जाणप्पवरं ठवेइ 2 ता धम्मियाओ जाणप्पवराओ पच्चोरुहइ ध०.२ ता समणं भगवं महावीरं पंचविहेणं अभि. गमेणं अभिगच्छइ तंजहा-सचित्ताणं दव्वाणं विउसरणयाए एवं जहा बिइयसए जाव तिविहाए पज्जुवासणयाए पज्जवासइ / तए गं सा देवाणंदा माहणी धम्मियाओ आणप्पवराओ पच्चोरहइ धम्मियाओ जाणप्पवराओ पच्चोरहित्ता बहूहि खुज्जाहिं जाव महत्तरगवंदपरिक्खित्ता समणं भगवं महावीरं पंचविहेणं अभिगमेणं अभिगच्छइ, तंजहा-सचित्ताणं दव्वाणं विउसरणयाए, अचित्ताणं दव्वाणं अविमोयणयाए, विणयोणयाए गायलठ्ठीए, चक्खुप्फासे अंजलिपग्गहेणं, मणस्स एंगतीमावकरणेणं जेणेव समणे भगवं महावीरे तेणेव उवागच्छइ तेणेव उवागच्छित्ता समणं भगवं महावीरं तिक्खुत्तो आयाहिणं . पयाहिणं करेइ 2 ता वंदइ णमंसइ वंदित्ता णमंसित्ता उसभदत्तं माहणं पुरओ कटु ठिया चेव सपरिवारा सुस्सूसमाणी णमंसमाणी अभिमुहा विणएणं पंजलिउडा जाव पज्जुवासइ // 376 // तए णं सा देवाणंदा माहणी आगय.
