________________ भगवई स. 9 उ. 33 असुरकुमारा जाव उववज्जति णो असयं असुरकुमारा जाव उववज्जति / से केणठेणं तं चेव जाव उववज्जति ? गंगेया ! कम्मोदएणं कम्मोवसमेणं कम्मवियईए कम्मविसोहीए कम्मविसुद्धीए सुभाणं कम्माणं उदएणं सुभाणं कम्माणं विवागणं सुभाणं कम्माणं फलविवागणं सयं असुरकुमारा असुरकुमारताए जाव उववज्जति जो असयं असुरकुमारा असुरकुमारत्ताए जाव उववज्जंति, से तेणठेणं जाव उववज्जति, एवं जाव थणियकुमारा / सयं भंते ! पुढविक्काइया० पुच्छा ? गंगेया ! सयं पुढविक्काइया जाव उववज्जति णो असयं जाव उववज्जति / से केणद्वैगं भंते ! एवं वुच्चइ जाव उववज्जंति ? गंगेया ! कम्मोदएणं कम्मगुरुयताए कम्मभारियत्ताए कम्मगुरुसंभारियत्ताए सुभासुमाणं कम्माणं उदएणं सुभासुभाणं कम्माणं विवागणं सुभासुभाणं कम्माणं फलविवागणं सयं पुढविक्काइया जाव उववज्जति णो असयं पुढविक्काइया जाव उववज्जंति, से तेणठेणं जाव उववज्जति, एवं जाव मणुस्सा। वाणमंतर. जोइसियवेमाणिया जहा असुरकुमारा, से तेणछैणं गंगेया ! एवं बच्चइ सयं वेमाणिया जाव उववज्जति णो असयं वेमाणिया जाव उववज्जति // 377 // तप्पभिई च णं से गंगेए अणगारे समणं भगवं महावीरं पच्चभिजाणइ सव्वण्णू सव्वदरिसी, तए णं से गंगेए अणगारे समणं भगवं महावीरं तिक्खत्तो आयाहिणं पयाहिणं करेइ करेत्ता वंदइ णमंसइ वंदित्ता णमंसित्ता एवं वयासीइच्छामि गं भंते ! तुम्भं अंतियं चाउज्जामाओ धम्माओ पंचमहव्वइयं एवं जहा कालासवेसियपुत्ते अणगारे तहेव भाणियव्वं जाव सव्वदुक्खप्पहीणे / सेवं भंते ! सेवं भंते ! ति // 37 // . णवमं सयं तेत्तीसइमो उद्देसो - तेणं कालेणं तेणं समएणं माहणकुंडग्गामे णामं णयरे होत्था वण्णओ, बहुसालए चेइए वण्णओ, तत्थ णं माहणकुंडग्गामे णयरे उसमदत्ते णामं माहणे परिवसइ अड्ढे दित्ते वित्ते जाव अपरिभूए रिउव्वेयजजुव्वेयसामवेयअथव्वणवेय जहा खंदओ जाव अण्णेसु य बहुसु बंभण्णएसु णएसुसुपरिणिट्ठिए समणोवासए अभिगयजीवाजीवे उवलद्धपुण्णपावे जाव अप्पाणं भावेमाणे विहरइ, तस्स णं उसभदत्तस्स माहणस्स देवाणंदा णामं माहणी होत्था, सुकुमालपाणिपाया जाव पियदंसणा सुरूवा समणोवासिया अभिगयजीवाजीवा उवलद्धपुण्णपावा
