________________ भगवई स. 9 उ. 32 657 तमाए अहेसत्तमाए य होज्जा 4 अहवा रयण. सक्कर० पंक० जाव अहेसत्त. माए य होज्जा 5 अहवा रयण. वालुय० जाव अहेसत्तमाए य होज्जा 6 अहवा रयणप्पभा० य सक्कर० य जाव अहेसत्तमाए य होज्जा 7 / एयस्स गं भंते ! रयणप्पभापुढविणे रइयपवेसणगस्स सक्करप्पभापुढवि० जाव अहे. सत्तमापुढविणेरइयपवेसणगस्स कयरे 2 जाव विसेसाहिया वा ? गंगेया ! सव्वत्थोवे अहेसत्तमापुढविणेरइयपवेसणए, तमापुढविणेरइयपवेसणए असंखेज्जगुणे, एवं पडिलोमगं जाव रयणप्पभापुढविणेरइयपवेसणए असंखेज्जगुणे / 372 / तिरिक्खजोणियपवेसणए गं भंते ! कइविहे पण्णत्ते ? गंगेया ! पंचविहे पण्णत्ते, तंजहा-एगिदियतिरिक्खजोणियपवेसणए जाव पंचिदियतिरिक्खजोणिय. पवेसणए / एगे भंते ! तिरिक्खजोणिए तिरिक्खजोणियपवेसणएणं पविसमाणे किं एगिदिएसु होज्जा जाव पंचिदिएसु होज्जा ? गंगेया ! एगिदिएसु वा होज्जा जाव पंचिदिएसु वा होज्जा। दो भंते ! तिरिक्ख जोणिया० पुच्छा, गंगेया ! एगिदिएसु वा होज्जा जाव पंचिदिएसु वा होज्जा, अहवा एगे एगिदिएस होज्जा एगे बेईदिएसु होज्जा एवं जहा गेरइयपवेसणए तहा तिरिक्खजोणियपवेसणएवि भाणियव्वे जाव असंखेज्जा। उक्कोसा भंते ! तिरिक्ख. जोणिया० पुच्छा, गंगेया ! सव्वेवि ताव एगिदिएसु होज्जा अहवा एगिदिएसु य बेइंदिएसु य होज्जा, एवं जहा रइया चारिया तहा तिरिक्खजोणियावि चारेयव्वा, एगिदिया अमुयंतेसु दुयासंजोगो तियासंजोगो च उक्कसंजोगो पंच. संजोगो उवउंजिऊण भाणियव्यो जाव अहवा एगिदिएसु य बेईदिएसु य जाव पंचिदिएसु य होज्जा / एयस्स णं भंते ! एगिदियतिरिक्खजोणियपवेसणगस्स जाव पंचिदियतिरिक्खजोणियपवेसणगस्सय कयरे 2 जाव विसेसाहिया वा? गंगेया ! सव्वत्थोवे पंचिदियतिरिक्खजोणियपवेसणए, चरिदियतिरिक्खजोणिय० विसेसाहिए, तेइंदिय० विसेसाहिए, बेइंदिय० विसेसाहिए, एगिदियतिरिक्ख० विसेसाहिए // 373 // मणुस्सपबेसणए णं भंते ! कइविहे पण्णत्ते ? गंगेया ! दुविहे पण्णत्ते, तंजहा-समुच्छिममणुस्सपवेसणए य गन्भवक्कंतियमणुस्सपवेसणए य। एगे भंते ! मणुस्से मणुस्सपवेसणएणं पविसमाणे कि संमुच्छिममणुस्सेसु होज्जा गब्भवक्कंतियमणुस्सेसु होज्जा ? गंगेया ! समुच्छिम. मणुस्सेसु वा होज्जा गब्भवक्कंतियमणुस्सेसु वा होज्जा / दो भंते ! मणुस्सा० पुच्छा, गंगेया ! * संमुच्छिममणुस्सेसु वा होज्जा गब्भवक्कंतियमणुस्सेसु वा
